മലപ്പുറം : ശബരിമലയില്‍ പോകാന്‍ ആഗ്രഹം പ്രകടിപ്പിച്ച മലപ്പുറം സ്വദേശിനി അപര്‍ണ ശിവകാമിയുടെ വീടിനു നേരെ ആക്രമണം. വീടിന്റെ ജനല്‍ ചില്ലുകള്‍ ആക്രമണത്തില്‍ തകര്‍ന്നു. ആക്രമണത്തെക്കുറിച്ച് അപര്‍ണ തന്റെ ഫേസ്ബുക്കില്‍ കുറിച്ചിട്ടുണ്ട്.
‘മുറ്റത്ത് നിര്‍ത്തിയിട്ടിരിക്കുന്ന അയല്‍വാസികളുടെ വണ്ടികളൊക്കെ സുരക്ഷിതമാണ്. 3 വലിയ കരിങ്കല്‍ക്കഷ്ണങ്ങള്‍ മുറ്റത്ത് കിടക്കുന്നുണ്ട്. മുറിയിലേയ്ക്ക് കല്ലുകളൊന്നും വീണിട്ടില്ല. ചില്ല് മുറിയിലാകെ ചിതറിത്തെറിച്ചിട്ടുണ്ട്. വഴിയില്‍ നിന്ന് ബൈക്ക് പോകുന്ന ശബ്ദം കേട്ടിരുന്നുവെന്ന് അപര്‍ണ കുറിച്ചു’.
പോലീസ് സംഭവസ്ഥലം സന്ദര്‍ശിച്ചു. ശബരിമലയില്‍ പോകാന്‍ താത്പ്പര്യം പ്രകടിപ്പിച്ച് അപര്‍ണ്ണ ഉള്‍പ്പെടെ നാല് യുവതികള്‍ കൊച്ചിയില്‍ വാര്‍ത്താസമ്മേളനം നടത്തിയിരുന്നു.
Discussion about this post