കൊച്ചി: കൊച്ചിയില്‍ നടിയെ ആക്രമിച്ച കേസില്‍ ജാമ്യം നേടിയ ശേഷം ഒളിവില്‍ പോയ ഒമ്പതാം പ്രതി സനില്‍ കുമാറിനെ പോലീസ് പിടികൂടി. രഹസ്യ വിവരത്തിന്റെ അടിസ്ഥാനത്തില്‍ നടത്തിയ അന്വേഷത്തിലാണ് ഇയാളെ പിടികൂടിയത്.
പാലായില്‍ സെക്യൂരിട്ടി ജീവനക്കാരനായി ജോലി നോക്കുകയായിരുന്നു കേസിലെ ഒമ്പതാം പ്രതി സനില്‍ കുമാര്‍. എഎസ്ആര്‍ രഹസ്യവിവരത്തിന്റെ അടിസ്ഥാനത്തില്‍ പാലാ പോലീസിന്റെ സഹായത്തോടെ പ്രത്യേക അന്വേഷണ സംഘം നടത്തിയ തിരച്ചിലിലാണ് സനില്‍ കുമാറിനെ അറസ്റ്റ് ചെയ്തത്.
ജാമ്യത്തില്‍ ഇറങ്ങിയ ശേഷം തുടര്‍ച്ചയായി കോടതിയില്‍ ഹാജരാകാതിരുന്നതിനാല്‍ സിബിഐ കോടതി ജാമ്യം റദ്ദാക്കുകയും ജാമ്യക്കാര്‍ക്ക് നോട്ടീസ് അയക്കുകയും ചെയ്തിരുന്നു. സനില്‍ കുമാറിനെ വൈകിട്ട് വിചാരണ കോടതിയില്‍ ഹാജരാക്കും.
Discussion about this post