കോഴിക്കോട്: കുറ്റ്യാടി നെട്ടൂരില്‍ സിപിഎം ബ്രാഞ്ച് സെക്രട്ടറിയുടെ വീടിന് നേരെ ബോംബേറ്. ഉഗ്ര സ്‌ഫോടന ശേഷിയുള്ള ബോംബാണ് ആക്രമണത്തിന് ഉപയോഗിച്ചത്. വില്ലങ്ങോട് ബ്രാഞ്ച് സെക്രട്ടറി ഗിരീഷിന്റെ വീടിന് നേരെയാണ് ബോംബേറ് ഉണ്ടായത്.
അക്രമണത്തിന് പിന്നില്‍ ആര്‍എസ്എസ് ആണെന്ന് സിപിഎം ആരോപിച്ചു. ചൊവ്വാഴ്ച്ച പാതിരാത്രിയോടെയാണ് ഗിരീഷിന്റ വീടിന് നേരെ ബോംബേറുണ്ടായത്. വിടിന്റെ മുന്‍ഭാഗത്തിന് കാര്യമായ കേടുപാടുകള്‍ സംഭവിച്ചിട്ടുണ്ട്. ജനല്‍ച്ചില്ലുകള്‍ തകര്‍ന്നുവീണു. ഉഗ്രശബ്ദത്തോടെയാണ് സ്ഫോടനമുണ്ടായത്.
പേരാമ്പ്രയില്‍ ഒരു ഡിവൈഎഫ്ഐ പ്രവര്‍ത്തകന് വെട്ടേറ്റു. ഹര്‍ത്താല്‍ ദിവസം സിപിഎം ജില്ലാ സെക്രട്ടറി പി മോഹനന്റെ മകനെയും മരുമകളെയും അക്രമിച്ചതില്‍ തുടങ്ങിയ സംഭവവികാസങ്ങളുടെ തുടര്‍ച്ചയാണ് ഇപ്പോഴുള്ള ആക്രമണങ്ങള്‍ക്ക് പിന്നില്‍.
Discussion about this post