മാവേലിക്കര: സ്‌കൂളില്‍ നിന്നും ക്രിക്കറ്റ് കളിക്കുന്നതിനിടെ ബാറ്റ് തലയില്‍ വീണ് വിദ്യാര്‍ത്ഥി മരിച്ചു. മാവേലിക്കര ചാരുംമൂട് ഗവ. യുപിഎസിലെ ആറാം ക്ലാസ് വിദ്യാര്‍ത്ഥി നവനീതാണ് മരിച്ചത്.
ഇന്ന് ഉച്ചക്കാണ് സംഭവം. ഭക്ഷണം കഴിച്ച് കൈ കഴുകാന്‍ പോവും വഴിയാണ് നവനീതിന്റെ തലയുടെ പിന്നില്‍ ബാറ്റ് തെറിച്ച് വീണത്. തുടര്‍ന്ന് കുട്ടി ബോധരഹിതനായി വീണു.
സഹപാഠികളും അധ്യാപകരും ചേര്‍ന്ന് കുട്ടിയെ ഉടന്‍ തന്നെ അടുത്തുള്ള ആശുപത്രിയില്‍ എത്തിച്ചു. കുട്ടിയുടെ നില രുതരമായതിനാല്‍ താലൂക്ക് ആശുപത്രിയിലേയ്ക്ക് എത്തിക്കുന്നതിനിടെ കുട്ടി മരിക്കുകയായിരുന്നു. കുട്ടിയുടെ മൃതദേഹം കായംകുളം സര്‍ക്കാര്‍ ആശുപത്രിയില്‍ സൂക്ഷിച്ചിരിക്കുകയാണ്.
അതേസമയം മൈതാനത്ത് ക്രിക്കറ്റ് കളിക്കുകയായിരുന്ന മറ്റു ചില കുട്ടികളുടെ കൈയ്യില്‍ നിന്ന് അബദ്ധത്തില്‍ ബാറ്റ് തെറിച്ചുപോവുകയും നവനീതിന്റെ കഴുത്തിനു പിന്നില്‍ കൊള്ളുകയുമായിരുന്നെന്നാണ് റിപ്പോര്‍ട്ട്.
Discussion about this post