കോഴിക്കോട്: സാമ്പത്തിക ഇടപാടിലെ തര്‍ക്കങ്ങളെ തുടര്‍ന്ന് നാല് ഇരുചക്രവാഹനങ്ങള്‍ കത്തിച്ചു. വാണിമേല്‍ പരപ്പുപാറയില്‍ വീടിനോട് ചേര്‍ന്ന് പാര്‍ക്ക് ചെയ്തിരുന്ന വാഹനങ്ങളാണ് കത്തിച്ചത്. സംഭവത്തിന്റെ സിസിടിവി ദൃശ്യങ്ങള്‍ അന്വേഷണ സംഘത്തിന് ലഭിച്ചു.
കോരമ്മന്‍ചുരത്തില്‍ കുഞ്ഞാലിയുടെ രണ്ട് വാഹനവും ഇവിടെ നിര്‍ത്തിയിട്ടിരുന്ന ബന്ധുവിന്റെ മറ്റ് രണ്ട് വാഹനവുമാണ് കത്തിച്ചത്. ഇതില്‍ രണ്ടെണം പൂര്‍ണ്ണമായും കത്തി നശിച്ചു. ഇവയ്ക്ക് അരികിലായി നിര്‍ത്തിയിട്ടിരുന്ന രണ്ട് വാഹനങ്ങള്‍ ഭാഗികമായും കത്തിനശിച്ചു. സാമ്പത്തിക ഇടപാടിലെ തര്‍ക്കങ്ങളാണ് ആക്രമണത്തിനു കാരണമെന്ന് പോലീസ് നിഗമനം. പുലര്‍ച്ചെയുണ്ടായ ആക്രമണത്തിന്റെ സിസിടിവി ദൃശ്യങ്ങള്‍ പുറത്തുവന്നു.
രാത്രി മുഖം മൂടി ധരിച്ച് വന്ന് രണ്ട് പേരാണ് വാഹനം കത്തിച്ചത്. ഒരാളുടെ കൈയ്യിലുള്ള കുപ്പിയില്‍ ദ്രാവകവും ഉണ്ടായിരുന്നു. ഇത് ബൈക്കിലൊഴിച്ച് തീകത്തിച്ച ശേഷം രക്ഷപ്പെടുകയായിരുന്നു. സംഭവത്തില്‍ വളയം പോലീസ് അന്വേഷണം തുടങ്ങി.
Discussion about this post