കൊച്ചി: ശബരിമല ദര്‍ശനത്തിനായി ആറു യുവതികള് കൊച്ചിയിലെത്തിയതായി സൂചന. മലബാര്‍ മേഖലയില്‍ നിന്ന് എത്തിയ ഇവര്‍ തിങ്കളാഴ്ച പുലര്‍ച്ചെ നാലു മണിയോടെ ട്രെയിന്‍ മാര്‍ഗം എറണാകുളത്തെത്തിയെന്നാണ് റിപ്പോര്‍ട്ട്. രഹസ്യ കേന്ദ്രത്തിലുള്ള ഇവരെക്കുറിച്ചുള്ള വിശദാംശങ്ങള്‍ പോലീസിന് അറിയാമെന്നാണ് സൂചന.
വടക്കന്‍ കേരളത്തിലെ രണ്ട് ജില്ലകളില്‍ നിന്നുള്ള ആറു പേരാണ് എത്തിയിരിക്കുന്ന് എന്നാല്‍ ഇവര്‍ ഏതെങ്കിലും സംഘടനയില്‍പ്പെട്ടവരാണോ എന്ന കാര്യം വ്യക്തമല്ല. പോലീസ് സ്‌പെഷ്യല് ബ്രാഞ്ച് ഇവരെക്കുറിച്ചുള്ള വിവരങ്ങള്‍ ശേഖരിച്ചിട്ടുണ്ട്. നിലയ്ക്കല്‍ വരെ എത്തിയാല്‍ ദര്‍ശനത്തിനുള്ള സഹായം പോലീസ് നല്‍കുമെന്നാണ് വിവരം. നിലയ്ക്കല്‍ വരെ ഇവര്‍ സ്വന്തം നിലയില്‍ എത്തണമെന്നാണ് പോലീസ് നിലപാട്.
യുവതീ പ്രവേശനം സംബന്ധിച്ച് സുപ്രീംകോടതി വിധി വന്ന ശേഷം ആറ് യുവതികള് ശബരിമല ദര്‍ശനത്തിനെത്തിയിരുന്നെങ്കിലും പ്രതിഷേധം കാരണം കയറാന്‍ സാധിച്ചിരുന്നില്ല.