കോഴിക്കോട്: കോഴിക്കോട് പന്തീരങ്കാവില്‍ മാവോയിസ്റ്റ് ബന്ധം ആരോപിച്ച് രണ്ട് സിപിഎം പ്രവര്‍ത്തകരെ പോലീസ് അറസ്റ്റ് ചെയ്തു. അലന്‍ ഷുഖൈബ്, താഹ എന്നിവരെയാണ് പോലീസ് അറസ്റ്റ് ചെയ്തത്. യുഎപിഎ ചുമത്തിയാണ് അറസ്റ്റ് ചെയ്തതെന്നാണ് പ്രാഥമിക വിവരം.
ഇവരില്‍ നിന്നും മാവോയിസ്റ്റ് അനുകൂല ലഘുലേഖകള്‍ കണ്ടെത്തിയെന്ന് ആരോപിച്ചാണ് അറസ്റ്റ്. പാലക്കാട് ഏറ്റുമുട്ടലില്‍ പ്രതിഷേധിച്ച് വിദ്യാര്‍ത്ഥികള്‍ ലഘു ലേഖകള്‍ വിതരണം ചെയ്തിരുന്നുവെന്നും പറയപ്പെടുന്നുണ്ട്.
കണ്ണൂര്‍ സര്‍വകലാശാലയിലെ നിയമ ബിരുദ വിദ്യാര്‍ത്ഥിയായ അലന്‍ ഷുഖൈബ് എസ്എഫ്‌ഐ സൗത്ത് ഏരിയാ കമ്മിറ്റി അംഗമായിരുന്നു. അലന്റെ വീട്ടില്‍ കഴിഞ്ഞ ദിവസം പൊലീസ് റെയ്ഡ് നടത്തിയതായി സൂചനയുണ്ട്.