തൃശ്ശൂർ: വാളയാർ കേസിലെ പോലീസ് വീഴ്ചയിലും കൃത്യമായി ഇടപെടാതിരുന്ന വനിതാ കമ്മീഷന്റെ പ്രവർത്തിയിലും പ്രതിഷേധിച്ച് കോൺഗ്രസ്-യൂത്ത് കോൺഗ്രസ് പ്രവർത്തകർ തെരുവിൽ. സംസ്ഥാന വനിതാ കമ്മീഷനെതിരെ പ്രതിഷേധവുമായെത്തിയ കോൺഗ്രസ് യൂത്ത് കോൺഗ്രസ് പ്രവർത്തകർ ചെയർപേഴ്‌സൺ എംസി ജോസഫൈനെ കരിങ്കൊടി കാണിച്ചു.
തൃശ്ശൂർ അരിമ്പൂരിൽ വനിതാ കമ്മീഷൻ ചെയർപേഴ്‌സൻ എംസി ജോസഫൈൻ, കമ്മീഷൻ അംഗം ഷിജി ശിവജി എന്നിവർ സഞ്ചരിച്ചിരുന്ന കാറിന് നേരെ പാഞ്ഞടുത്ത പ്രതിഷേധക്കാർ കരിങ്കൊടി വീശുകയായിരുന്നു. സംസ്ഥാന വനിതാകമ്മീഷനും അരിമ്പൂർ ഗ്രാമപഞ്ചായത്തും ചേർന്ന് സംഘടിപ്പിച്ച ശിൽപശാല ഉദ്ഘാടനം ചെയ്യാനെത്തുന്നതിനിടെയാണ് സംഭവം.
പ്രതിഷേധക്കാർ വാഹനം തടയാൻ ശ്രമിച്ചതോടെ പ്രദേശത്ത് സംഘർഷത്തിന് കാരണമായി. പ്രവർത്തകരെ പിന്നീട് പോലീസ് അറസ്റ്റ് ചെയ്ത് നീക്കി. വാളയാർ പീഡന കേസിൽ പ്രതികൾക്കെതിര വനിതാ കമ്മീഷൻ ആവശ്യമായ നടപടികൾ സ്വീകരിച്ചില്ല എന്നാരോപിച്ചായിരുന്നു കെഎസ്‌യു,യൂത്ത് കോൺഗ്രസ് പ്രവർത്തകരുടെ പ്രതിഷേധം.
Discussion about this post