കോട്ടയം: കേരള കോണ്‍ഗ്രസ് ജോസ് കെ മാണി വിഭാഗം സ്റ്റിയറിങ് കമ്മിറ്റി യോഗം ഇന്ന് ചേരും. നിലവിലെ രാഷ്ട്രീയ സാഹചര്യങ്ങള്‍ ചര്‍ച്ച ചെയ്യുന്നതിനൊപ്പം പാലാ ഉപതിരഞ്ഞെടുപ്പിലെ പരാജയവും യോഗത്തില്‍ ചര്‍ച്ച ചെയും.
നിയമസഭാ സമ്മേളനം തുടങ്ങാനിരിക്കെ പാര്‍ലമെന്ററി പാര്‍ട്ടി നേതാവിനെ തെരഞ്ഞെടുക്കാന്‍ പിജെ ജോസഫ് നടത്തിയ നീക്കത്തെ കുറിച്ചും ചര്‍ച്ച നടക്കും. പിളര്‍പ്പിനെ ചൊല്ലിയുള്ള തര്‍ക്കത്തില്‍ കോടതി വിധി ഉടന്‍വരും എന്നിരിക്കെ ഈ വിഷയത്തില്‍ സ്വീകരിക്കേണ്ട തന്ത്രങ്ങളും യോഗം ആലോചിക്കുമെന്നാണ് അറിയുന്നത്.