മുള്ളേരിയ: തൂങ്ങിമരിക്കാന്‍ മരത്തില്‍ കയറിയ മധ്യവയസ്‌കന്‍ കയര്‍പൊട്ടി താഴെ വീണ് മരിച്ചു. കാറഡുക്ക കരിമ്പുവളപ്പിലെ രാമചന്ദ്ര മണിയാണി (60)യ്ക്കാണ് ദാരുണ മരണം സംഭവിച്ചത്.
വ്യാഴാഴ്ച രാവിലെമുതല്‍ കാണാത്തതിനാല്‍ നാട്ടുകാരും ബന്ധുക്കളും ഇയാള്‍ക്കായി വ്യാപക തിരച്ചില്‍ ആണ് നടത്തിയത്. എന്നാല്‍ എവിടെയാണെന്ന യാതൊരു വിവരവും ലഭിച്ചില്ല. പിന്നീട് വീടിനുതാഴെയുള്ള കവുങ്ങിന്‍ തോട്ടത്തിനോട് ചേര്‍ന്നുള്ള മരത്തിനു സമീപം മൃതദേഹം കണ്ടെത്തുകയായിരുന്നു. കഴിഞ്ഞ ദിവസം രാവിലെയാണ് മരിച്ച നിലയില്‍ കണ്ടെത്തിയത്.
ശരീരത്തില്‍ താഴെ വീണതിന്റെ പരിക്കുകളുണ്ട്. കയര്‍ പൊട്ടി താഴെ വീണതാണെന്നാണ് നിഗമനം. എങ്കിലും കമ്പൊടിഞ്ഞ് വീണതാണോ എന്നും സംശയിക്കുന്നുണ്ട്. ഭാര്യ: ചന്ദ്രാവതി. മക്കള്‍: പ്രദീപ്, പ്രവീണ്‍, ബാലകൃഷ്ണന്‍, സീത, ലക്ഷ്മി.
Discussion about this post