കണ്ണൂര്‍: ഓടിക്കൊണ്ടിരുന്ന ബൈക്കിന് മുകളില്‍ മരം വീണ് യുവാവ് മരിച്ചു. വട്ടിയാംതോട്ടിലെ പള്ളുരുത്തില്‍ മാത്യുവിന്റെ മകന്‍ ജെഫിന്‍ പി മാത്യു ആണ് മരിച്ചത്. ഉടന്‍ തന്നെ ആശുപത്രിയിലെത്തിക്കാന്‍ ശ്രമിച്ചെങ്കിലും മരണം സംഭവിച്ചിരുന്നു.
ഇരിട്ടി – ഉളിക്കല്‍ റോഡില്‍ ചെട്ടിയാര്‍ പീടികയില്‍ വെച്ചാണ് അപകടമുണ്ടായത്. റോഡരികിലുണ്ടായിരുന്ന മരം ബൈക്കില്‍ പോവുകയായിരുന്ന ജെഫിന്റെ ദേഹത്തേക്ക് വീഴുകയായിരുന്നു. അപകടത്തില്‍ ജഫിന്‍ തല്‍ക്ഷണം മരിച്ചു.
എടൂര് സെന്റ്‌മേരീസ് എല്‍പി സ്‌കൂള്‍ അധ്യാപികയായ സൗമ്യയാണ് ഭാര്യ. മക്കള്‍ റിയ, ക്രിസ്റ്റി. ശവസംസ്‌കാരം മണിക്കടവ് സെന്റ് തോമസ് പള്ളി സെമിത്തേരിയില്‍.