തിരുവനന്തപുരം; തിരുവനന്തപുരം വധൂവരന്മാര്‍ സഞ്ചരിച്ച കാര്‍ ഇടിച്ച് ബൈക്ക് യാത്രക്കാര്‍ക്ക് പരിക്ക്. കാര്യം സ്വദേശികളായ സതീശന്‍, സത്യവ്രതന്‍ എന്നിവര്‍ക്കാണ് അപകടത്തില്‍ പരിക്കേറ്റത്. ഇവരെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
കഴിഞ്ഞ ദിവസം വൈകുന്നേരമാണ് അപകടം. കടയ്ക്കല്‍ നിലമേല്‍ റോഡില്‍ കൊച്ചാറ്റുപുറത്താണ് അപകടം. വധൂവരന്മാര്‍ സഞ്ചരിച്ച കാര്‍ ബൈക്കില്‍ ഇടിക്കുകയായിരുന്നു. മണലുവട്ടത്തേയ്ക്ക് പോകുകയായിരുന്ന കാര്‍ മറ്റൊരു വാഹനത്തെ മറികടക്കുന്നതിനിടെയാണ് ബൈക്കില്‍ ഇടിച്ചത്.
അപകടത്തില്‍ ബൈക്ക് യാത്രക്കാരുടെ കാലിന് ഗുരുതരമായി പരിക്കേറ്റു. പരിക്കേറ്റവര്‍ ഇപ്പോള്‍ ചികിത്സയിലാണ്. ബൈക്കില്‍ ഇടിച്ച കാര്‍ 100 മീറ്റര്‍ മാറിയാണ് നിന്നത്. അതേസമയം വധൂവരന്മാരെ മറ്റൊരു വാഹനത്തില്‍ കയറ്റി വിട്ടു.
Discussion about this post