കോഴിക്കോട്: കരിപ്പൂര്‍ വിമാനത്താവളത്തില്‍ നിന്നും വിമാനം പുറപ്പെടാന്‍ വൈകിയതിനെതുടര്‍ന്ന് യാത്രക്കാരുടെ പ്രതിഷേധം. രാവിലെ 11.20 ന് പുറപ്പെടേണ്ടിയിരുന്ന എയര്‍ ഇന്ത്യ വിമാനം പുറപ്പെടാന്‍ വൈകിയതിനെ തുടര്‍ന്നാണ് പ്രതിഷേധം.
കരിപ്പൂരില്‍ നിന്നും ദുബൈയിലേക്ക് പോകേണ്ടിയിരുന്ന എഐ 937 വിമാനം സാങ്കേതിക തകരാര്‍ മൂലമാണ് വൈകിയത്. വിമാനം പുറപ്പെടേണ്ട സമയം കഴിഞ്ഞ് മണിക്കൂറുകള്‍ കഴിഞ്ഞിട്ടും വിമാനം പുറപ്പെടാതിരുന്നതോടെ യാത്രക്കാര്‍ പ്രതിഷേധിക്കുകയായിരുന്നു.
എന്നാല്‍ സാങ്കേതിക തകരാര്‍ മൂലമാണ് വിമാനം വൈകുന്നതെന്ന് യാത്രക്കാരെ അറിയിച്ചു. പിന്നീട് സാങ്കേതിക തകരാര്‍ പരിഹരിച്ചതായി അധികൃതര്‍ അറിയിച്ചതോടെ യാത്രക്കാര്‍ അടങ്ങി.