കൊച്ചി: സ്ത്രീധനം ആവശ്യപ്പെട്ടതിനെ തുടര്‍ന്ന് എല്‍എല്‍ബി വിദ്യാര്‍ത്ഥിനി ആത്മഹത്യ ചെയ്ത സംഭവത്തില്‍ പ്രതിശ്രുതവരന്‍ പോലീസ് പിടിയില്‍. നെട്ടൂര്‍ പെരിങ്ങാട്ട് ലെയ്‌നില്‍ വാടകയ്ക്ക് താമസിക്കുന്ന തേവര തിട്ടയില്‍ വീട്ടില്‍ വിനോദിന്റെയും പ്രീതിയുടെയും മകള്‍ ചന്ദനയാണ് ആത്മഹത്യ ചെയ്തത്. സംഭവത്തില്‍ ഇടക്കൊച്ചി തെരേടത്ത് വീട്ടില്‍ ആന്റണിയുടെ മകന്‍ പ്രിജിനാണ് അറസ്റ്റിലായത്.
എല്‍എല്‍ബി അവസാനവര്‍ഷ വിദ്യാര്‍ത്ഥിയായ ചന്ദനയുമായി പ്രിജിന്റെ വിവാഹം ഉറപ്പിച്ചിരുന്നു. ഇതിനിടെ പ്രജിന്റെ വീട്ടുകാര്‍ നല്‍കാവുന്നതിലും അധികം സ്ത്രീധനം ചന്ദനയുടെ വീട്ടുകാരോട് ചോദിച്ചു. എന്നാല്‍ ഓട്ടോഡ്രൈവറായിരുന്ന ചന്ദനയുടെ അച്ഛന്‍ വിനോദിന് ഇത്രയും പണം നല്‍കാന്‍ കഴിയില്ലായിരുന്നു.
ഇതോടെ വിവാഹം മുടങ്ങി. ഇതില്‍ മനംനൊന്ത് ചന്ദന വീട്ടിലെ മുറിയില്‍ തൂങ്ങിമരിക്കുകയായിരുന്നു. സംഭവത്തില്‍ പോലീസ് നടത്തിയ അന്വേഷണത്തിലാണ് പ്രിജിന്‍ പിടിയിലായത്.പ്രേരണക്കുറ്റം ചുമത്തിയാണ് ഇയാളെ അറസ്റ്റ് ചെയ്തിരിക്കുന്നത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Discussion about this post