പാലാ: യുഡിഎഫ് കോട്ടകള്‍ തകര്‍ത്ത് എല്‍ഡിഎഫ് വന്‍ വിജയം നേടിയതിന്റെ ആഘാതത്തിലാണ് യുഡിഎഫ് നേതൃത്വം. വിജയം സുനിശ്ചിതമാക്കി ഫ്‌ളക്‌സുകളും ലഡുവും ബാന്റ്‌സെറ്റും എല്ലാം ഒരുക്കിയത് വലിയ യുഡിഎഫിന് വലിയ തിരിച്ചടിയായിരുന്നു. ഈ ഒരുക്കങ്ങള്‍ക്കെല്ലാം ട്രോളുകളും നേരിടേണ്ടി വന്നിരുന്നു. നിയുക്ത എംഎല്‍എയ്ക്ക് അഭിനന്ദനങ്ങള്‍ എന്ന് എഴുതിയാണ് ഫ്‌ളക്‌സുകള്‍ വെച്ചിരുന്നത്.
ഇപ്പോള്‍ ഇതിനെല്ലാം പുറമെ ഇപ്പോള്‍ കേരളാ കോണ്‍ഗ്രസിന് അടുത്ത തലവേദന കൂടി വന്നിരിക്കുകയാണ്. ജോസ് ടോമിന്റെ വിജയം മാത്രം മുന്‍പില്‍ കണ്ട് ഇറക്കിയ മുഖപത്രം സോഷ്യല്‍മീഡിയ കുത്തിപ്പൊക്കിയിരിക്കുകയാണ്. പാലായില്‍ ജോസ് ടോമിന് വന്‍ ഭൂരിപക്ഷം എന്ന തലക്കെട്ടോടു കൂടിയാണ് പത്രം ഇറക്കിയിരിക്കുന്നത്. ഏഷ്യാനെറ്റ് നടത്തിയ സര്‍വേയുടെ അടിസ്ഥാനത്തിലായിരുന്നു വാര്‍ത്ത നല്‍കിയത്.
കേരളാ കോണ്‍ഗ്രസ് എം മുഖപത്രമായ പ്രതിച്ഛായയുടെ ഒന്നാംപേജില്‍ തന്നെയാണ് ‘പാലായില്‍ ജോസ് ടോമിനു വന്‍ ഭൂരിപക്ഷം’ എന്ന തലക്കെട്ടില്‍ വാര്‍ത്ത നല്‍കിയത്. വോട്ടെണ്ണലിനു രണ്ടുദിവസം മുന്‍പാണ് പത്രം അടിച്ച് ഇറക്കിയത്. നേരത്തെ പാലായിലെ യുഡിഎഫ് ക്യാമ്പില്‍ ജോസ് ടോമിനെ വിജയിപ്പിച്ച ജനങ്ങള്‍ക്കുള്ള ലഡുവും പടക്കങ്ങളും റെഡിയാണല്ലോ, നിങ്ങളുടെതോ എന്ന മാധ്യമപ്രവര്‍ത്തകന്റെ ചോദ്യത്തിന് യുഡിഎഫ് വാങ്ങിവെച്ച പടക്കങ്ങളും ലഡുവും ഇനി പകുതി വിലക്ക് കിട്ടുമല്ലോ എന്നായിരുന്നു മാണി സി കാപ്പന്റെ പ്രതികരണം. ഇതും വലിയ തോതില്‍ പ്രചരിച്ചിരുന്നു. ഇതിനു പിന്നലെയാണ് കേരളാ കോണ്‍ഗ്രസിന് തലവേദനയായി മുഖപത്രത്തിന്റെ പ്രചാരണവും നടക്കുന്നത്.
Discussion about this post