ഹരിപ്പാട്: ലോറിക്ക് പിന്നില്‍ കാറിടിച്ച് രണ്ടുപേര്‍ മരിച്ചു. ഹരിപ്പാട് നങ്ങ്യാര്‍കുളങ്ങരയിലാണ് അപടകടം. വെങ്കിടാചലം, ശരവണന്‍ എന്നിവരാണ് മരിച്ചത്. ഇടിയുടെ ആഘാതത്തില്‍ കാറിന്റെ മുന്‍ഭാഗം പൂര്‍ണമായും തകര്‍ന്നു.
വെള്ളിയാഴ്ച രാവിലെ 5:15 ആണ് അപകടമുണ്ടായത്. കവലക്ക് വടക്കുവശം നിര്‍ത്തിയിട്ടിരുന്ന ലോറിക്ക് പിന്നില്‍ കാറിടിക്കുകയായിരുന്നു. തിരുപ്പതിയില്‍ നിന്നും തിരുവനന്തപുരത്തേക്ക് പോവുകയായിരുന്നു കാറാണ് അപകടത്തില്‍പ്പെട്ടത്. അപകടസമയത്ത് കാറില്‍ 4 പേരാണ് ഉണ്ടായിരുന്നത്.
രണ്ട് പേര്‍ സംഭവസ്ഥലത്തുവെച്ച് തന്നെ മരിച്ചു. മറ്റ് രണ്ടുപേര്‍ ആശുപത്രിയില്‍ ചികിത്സയിലാണ്. ഇവരുടെ നില ഗുരുതരമായി തുടരുകയാണ്. ഇടിയുടെ ആഘാതത്തില്‍ കാറിന്റെ മുന്‍ഭാഗം പൂര്‍ണമായും തകര്‍ന്നു. അപകടത്തെ തുടര്‍ന്ന് ദേശീയപാതയില്‍ അരമണിക്കൂറോളം ഗതാഗതം തടസ്സപ്പെട്ടു.