വാരാണസി: ബനാറസ് ഹിന്ദു യൂണിവേഴ്‌സിറ്റിയിലെ വിദ്യാര്‍ഥിയെ ഒരു സംഘം അജ്ഞാതര്‍ വെടിവെച്ചുകൊന്നു. ഗൗരവ് സിങ്ങാണ് (23) കൊല്ലപ്പെട്ടത്. സംഭവവുമായി ബന്ധപ്പെട്ട് നാലു പേരെ അറസ്റ്റ് ചെയ്തതായി പോലിസ് വ്യക്തമാക്കി.
ലാല്‍ ബഹദൂര്‍ ശാസ്ത്രി ഹോസ്റ്റലിലാണ് ഗൗരവ് താമസിക്കുന്നത്. ബനാറസ് ഹിന്ദു യൂണിവേഴ്‌സിറ്റിയിലെ ബിരുദാനന്തര ബിരുദ വിദ്യാര്‍ത്ഥിയാണ് ഗൗരവ് സിങ്ങ്. തിങ്കളാഴ്ച വൈകുന്നേരമാണ് സംഭവം. ഹോസ്റ്റലിനു പുറത്ത് സുഹൃത്തുക്കളോട് സംസാരിച്ചുകൊണ്ടിരിക്കവെയാണ് ഗൗരവിന് നേരെ വെടിയേല്‍ക്കുന്നത്.
മോട്ടോര്‍ സൈക്കിളിലെത്തിയ അജ്ഞാതരാണ് വിദ്യാര്‍ത്ഥിയെ കൊലപ്പെടുത്തിയത്. ഗൗരവിന്റെ വയറിനാണ് വെടികൊണ്ടത്. ഗൗരലിനെ ഉടന്‍ ബിഎച്ച്യുവിലെ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിലേക്ക് കൊണ്ടുപോയെങ്കിലും രക്ഷിക്കാനായില്ല.
അതേസമയം വ്യക്തിവൈരാഗ്യമാണെന്നാണ് കൊലപാതകത്തിന് കാരണമെന്നാണ് പോലീസിന്റെ വാദം. പ്രദേശത്തെ സിസിടിവി ദൃശ്യങ്ങള്‍ പരിശോധിച്ചതിന് ശേഷം ആന്വേഷണം ആരംഭിച്ചിട്ടുണ്ട്.
Discussion about this post