ഉത്തര്‍പ്രദേശ്: ഉത്തര്‍പ്രദേശിലെ സീതാപൂരില്‍ സുഹൃത്തിനെ വെടിവെച്ച് കൊന്ന് കേസില്‍ യുവാവ് അറസ്റ്റില്‍. സഹോദരിയുമായി അടുപ്പത്തിലായതിനാണ് സുഹൃത്തിയ ധര്‍മേന്ദ്ര സിംഗ് (34) നെ സാനു വെടിവെച്ചത്.
തദ്ദേശീയമായി നിര്‍മ്മിച്ച തോക്ക് ഉപയോഗിച്ചാണ് സാനു സുഹൃത്തിന് നേരെ വെടി ഉതിര്‍ത്തത്. സഹോദരിയുമായുള്ള ബന്ധം സാനു എതിര്‍ത്തിരുന്നു. എന്നാല്‍ അത് വക വെക്കാതെ ബന്ധം തുടര്‍ന്നതാണ് കൊലക്ക് കാരണം.
സീതാപൂരിലെ ബസ് സ്റ്റാന്‍ഡിന് സമീപമുള്ള റെസ്റ്റോറന്റിന് അടുത്ത് വച്ചാണ് കൊലപാതകം നടത്തിയത്. റെസ്റ്റോറന്റിലെ സിസിടിവിയില്‍ പതിഞ്ഞ കൊലപാതക ദൃശ്യങ്ങളിലൂടെയാണ് പോലീസ് പ്രതിയെ പിടികൂടിയത്.