ന്യൂഡല്‍ഹി: ബാലി സന്ദര്‍ശനത്തിന് പോയ ഇന്ത്യന്‍ കുടുംബം നടത്തിയ മോഷണം ഇന്ന് രാജ്യത്തെ തന്നെ തല താഴ്ത്തിച്ചിരിക്കുകയാണ്. സന്ദര്‍ശനത്തിനിടെ ഹോട്ടലില്‍ തങ്ങിയ കുടുംബം അവിടുത്തെ ഹാങ്ങര്‍ മുതല്‍ സോപ്പ് പെട്ടി വരെ അടിച്ചു കൊണ്ടുപോകുവാന്‍ ശ്രമം നടത്തുകയായിരുന്നു. എന്നാല്‍ ഹോട്ടല്‍ അധികൃതര്‍ ഇവരെ കൈയ്യോടെ പിടികൂടി. സംഭവത്തിന്റെ ദൃശ്യങ്ങളും സോഷ്യല്‍മീഡിയയില്‍ വ്യാപകമായി പ്രചരിക്കുന്നുണ്ട്.
ബാലിയിലെ ഹോട്ടലില്‍ തങ്ങിയ കുടുംബം ഹോട്ടലിലെ നിരവധി സാധനങ്ങള്‍ ബാഗേജുകളില്‍ ഒളിപ്പിച്ചതാണ് ഹോട്ടലധികൃതര്‍ കൈയ്യോടെ പിടികൂടിയത്. കൈയ്യില്‍ കിട്ടിയതെല്ലാം എടുത്ത് ബാഗില്‍ ആക്കുകയായിരുന്നു. ഹോട്ടല്‍ അധികൃതര്‍ കുടുംബത്തിന്റെ ബാഗുകള്‍ പരിശോധിക്കുന്നതും ഓരോരോ വസ്തുക്കളായി പിടികൂടുന്നതും വീഡിയോയില്‍ കാണാം.
ഹെയര്‍ ഡ്രൈര്‍, അലങ്കാര വസ്തുക്കള്‍, കണ്ണാടി എന്നിങ്ങനെ നീളുന്നു എടുത്ത സാധനങ്ങള്‍. പോലീസിനെ വിളിക്കുമെന്ന് ഹോട്ടല്‍ അധികൃതര്‍ പറയുമ്പോള്‍ എടുത്ത സാധനങ്ങളുടെ തുക നല്‍കാമെന്നും പോലീസിനെ വിളിക്കരുതെന്നും കുടുംബം അഭ്യര്‍ത്ഥിക്കുന്നതും വീഡിയോയില്‍ കാണാം. രാജ്യത്തിന്റെ മാനംകെടുത്തിയ ഈ ഇന്ത്യന്‍ കുടുംബത്തിനെതിരെ വ്യാപക പ്രതിഷേധമാണ് സമൂഹമാധ്യമങ്ങളിലും മറ്റും ഉയരുന്നത്.
The worst example of entitled indian travellers who are a disgrace to the image of our country. Casually stealing hand washes, room artefacts, hair dryers from a hotel room in Bali. And the uncle pawing the hotel person at the end is just 🤮 pic.twitter.com/UONwWCKmUq
— Mini Mathur (@minimathur) July 27, 2019
Discussion about this post