ചെന്നൈ: ഡിഎംകെ നേതാവ് എംകെ സ്റ്റാലിനെ പുകഴ്ത്തി ആന്ധ്രപ്രദേശ് മുഖ്യമന്ത്രിയും തെലുങ്കുദേശം പാര്‍ട്ടി നേതാവുമായ എന്‍ ചന്ദ്രബാബു നായിഡു. പ്രധാനമന്ത്രി നരേന്ദ്ര മോദിയെക്കാളും എന്തുകൊണ്ടും മികച്ച നേതാവ് എംകെ സ്റ്റാലിനാണെന്ന് നായിഡു പറഞ്ഞു.
ബിജെപി വിരുദ്ധ സഖ്യത്തെ മുന്നില്‍ നിന്ന് നയിക്കുന്നതിന് വേണ്ടി മികച്ച നേതാക്കളുണ്ടെന്നും നരേന്ദ്ര മോഡിയേക്കാള്‍ എന്തുകൊണ്ടും മികച്ച നേതാവ് സ്റ്റാലിന്‍ തന്നെയാണെന്നും ചന്ദ്രബാബു കൂട്ടിച്ചേര്‍ത്തു. സഖ്യത്തിന്റെ മുന്‍നിരയില്‍ നിന്ന് നേതൃത്വം നല്‍ക്കുന്നത് താന്‍ ആയിരിക്കുമോ എന്ന മാധ്യമപ്രവര്‍ത്തകരുടെ ചോദ്യത്തിന് മറുപടി നല്‍കുകയായിരുന്നു അദ്ദേഹം.
ഞാന്‍ ഒരിക്കലും ഉയര്‍ന്ന സ്ഥാനം ലഭിക്കണമെന്ന് ആഗ്രഹിക്കുന്ന ആളല്ല. മറിച്ച് കാര്യങ്ങളെ സുഗമമായ രീതിയില്‍ ചെയ്യാന്‍ ആഗ്രഹിക്കുന്ന വ്യക്തിയാണ്. എല്ലാവരെയും ഒന്നിച്ച് ഒരു കുടക്കീഴില്‍ കൊണ്ടു വരാനാണ് ഞാന്‍ ശ്രമിക്കുന്നത്. അത്‌കൊണ്ട് ഞാന്‍ ഒരിക്കലും ഈ സഖ്യത്തിന്റെ മുഖമല്ലെന്നും ചന്ദ്രബാബു നായിഡു പറഞ്ഞു.
Discussion about this post