ന്യൂഡല്‍ഹി: യുവാവിന്റെ അതിസാഹയികമായ ടിക് ടോക് വീഡിയോ വൈറലാകുന്നു. പോലീസ് എന്ന് എഴുതിയ വാഹനമാണ് ടിക് ടോകിനായി ഉപയോഗിച്ചത്. വീഡിയോ മിനിറ്റുകള്‍ക്കുള്ളിലാണ് വൈറലായത്. സംഭവത്തില്‍ പോലീസ് കേസെടുത്തു.
വാഹനം ഓടികൊണ്ടിരിക്കെ അതിസാഹസികമായി വാഹനത്തിന്റെ മുകളില്‍ കയറി പുഷ് അപ് എടുക്കുകയും വീണ്ടും വാഹനത്തിനുള്ളിലേക്ക് കയറുകയും ചെയ്യുകയാണ് യുവാവ്.
ഇയാള്‍ തന്നെയാണ് വാഹനം ഓടിക്കുന്നതെന്നും വീഡിയോയില്‍നിന്ന് വ്യക്തമാണ്.
വാഹനത്തിന്റെ ബോണറ്റില്‍ ഡല്‍ഹി പോലീസ് എന്നെഴുതുകയും ബീക്കണ്‍ ലൈറ്റ് ഘടിപ്പിക്കുകയും ചെയ്തിട്ടുണ്ട്. സംഭവത്തില്‍ വിശദമായ അന്വേഷണം നടത്തി കര്‍ശനമായ നടപടി കൈകൊള്ളുമെന്ന് അധികൃതര്‍ അറിയിച്ചു.
പോലീസ് പരിശോധനയില്‍ ജെപി ശര്‍മ എന്നയാളുടെ പേരിലാണ് വാഹനം രജിസ്റ്റര്‍ ചെയ്തിരിക്കുന്നത് എന്ന് കണ്ടെത്തി. അതേസമയം വാഹനം ഡല്‍ഹി പോലീസിന്റെതാണോ എന്ന് സ്ഥിരീകരിച്ചിട്ടില്ല. ടിക് ടോക് വീഡിയോയിലുള്ള ആളെക്കുറിച്ച് അന്വേഷണവും നടക്കുന്നുണ്ട്.
Save driving, anyone? @dtptraffic . @DelhiPolice Official vehicle is used to perform stunt and make #tiktokindia video. pic.twitter.com/H9ZCp6RTJS
— Saurabh Trivedi (@saurabh3vedi) June 26, 2019
Discussion about this post