ബാര്‍മര്‍: ക്ഷേത്രത്തിലെ പരിപാടിയ്ക്ക് വേണ്ടി കെട്ടിയ കൂറ്റന്‍ പന്തല്‍ തകര്‍ന്ന് വീണ്
14 പേര്‍ക്ക് ദാരുണാന്ത്യം. രാജസ്ഥാനിലെ ബാര്‍മറിലാണ് അപകടം. നിരവധി ആളുകള്‍ക്ക് അപകടത്തില്‍ പരിക്കേറ്റു.
ബാര്‍മറിലെ റാണി ബാട്ടിയാനി ക്ഷേത്ര ചടങ്ങിന്റെ ഭാഗമായി തയ്യാറാക്കിയ കൂറ്റന്‍ പന്തല്‍ കനത്ത മഴയിലും കാറ്റിലും തകര്‍ന്ന് വീണത്. അപകടത്തില്‍ പരിക്കേറ്റ പലരുടെയും നില ഗുരുതരമാണ്. ഇവരെ ബലോത്രയിലെയും ജോധ്പൂരിലെയും ആശുപത്രികളില്‍ പ്രവേശിപ്പിച്ചു.
അപകടത്തില്‍ പ്രധാനമന്ത്രി നടുക്കം രേഖപ്പെടുത്തി. സംഭവം നിര്‍ഭാഗ്യകരമെന്നും മരിച്ചവരുടെ കുടുംബത്തിന്റെ ദുഖത്തില്‍ പങ്കുചേരുന്നുവെന്നും രാജസ്ഥാന്‍ മുഖ്യമന്ത്രി അശോക് ഗെഹ്ലോട്ട് പ്രതികരിച്ചു.
Rajasthan: At least 10 dead and around 24 injured after a 'pandaal' collapsed in Barmer. Injured persons admitted to a hospital. More details awaited. pic.twitter.com/fbXEtyZ4C7
— ANI (@ANI) 23 June 2019
Discussion about this post