ലഖ്‌നൗ: അഴിമതി നടത്തുന്ന ഉദ്യോഗസ്ഥര്‍ക്കെതിരെ കര്‍ശന നടപടിയുമായി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. അഴിമതിക്കാരായ ഉദ്യോഗസ്ഥരോട് സ്വയം വിരമിക്കാനും ഇല്ലെങ്കില്‍ നിര്‍ബന്ധിത വിരമിക്കല്‍ നിര്‍ദേശം നല്‍കുമെന്നും യോഗി ആദിത്യനാഥ് അറിയിച്ചു.
സെക്രട്ടേറിയറ്റ് അഡ്മിനിസ്‌ട്രേഷന്‍ വിഭാഗത്തിലെ ജീവനക്കാരുടെ ജോലിയിലുള്ള പ്രകടനം വിശകലനം ചെയ്ത മുഖ്യമന്ത്രി ഈ സര്‍ക്കാരില്‍ അഴിമതിക്കാര്‍ക്കും ജോലി ചെയ്യാത്തവര്‍ക്കും ഇടമില്ലെന്ന് യോഗി വ്യക്തമാക്കി.
കൈക്കൂലി വാങ്ങുന്ന പ്രവൃത്തികളോട് തനിക്ക് തരിമ്പും സഹിഷ്ണുത ഉണ്ടാവില്ലെന്നും യോഗി ഓര്‍മ്മിപ്പിച്ചു. ജനുവരിയില്‍ കൈക്കൂലി വാങ്ങുന്നതിനിടെ ക്യാമറയില്‍ കുടുങ്ങുകയും അറസ്റ്റിലാവുകയും ചെയ്ത മൂന്ന് പ്രൈവറ്റ് സെക്രട്ടറിമാരെക്കുറിച്ചും മുഖ്യമന്ത്രി സൂചിപ്പിച്ചു. അഴിമതി ആരോപണം നേരിടുന്ന 15 നികുതി ഉദ്യോഗസ്ഥര്‍ക്ക് കേന്ദ്രസര്‍ക്കാര്‍ നിര്‍ബന്ധിത വിരമിക്കല്‍ നിര്‍ദ്ദേശം നല്‍കിയിരുന്നു. ഇതിന് പിന്നാലെയാണ് അഴിമതിക്കാര്‍ക്കെതിരെ യോഗിയും നടപടിയെടുത്തിരിക്കുന്നത്.
Discussion about this post