മധ്യപ്രദേശ്: ചാര്‍ജ്ജ് ചെയ്യുന്നതിനിടെ മൊബൈല്‍ ഫോണ്‍ പൊട്ടിത്തെറിച്ച് പന്ത്രണ്ട് വയസുകാരന് മരിച്ചു. മധ്യപ്രദേശിലെ ദാര്‍ ജില്ലയിലാണ് സംഭവം. കുട്ടിയെ ഉടന്‍ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.
ചാര്‍ജ് ചെയ്യുന്നതിനിടെ ഉപയോഗിക്കുമ്പോഴാണ് മൊബൈല്‍ഫോണ്‍ പൊട്ടിത്തെറിച്ചത്. ശബ്ദം കേട്ട് ബന്ധു ഓടിയെത്തിയെങ്കിലും കുട്ടി അബോധാവസ്ഥയിലായി നിലത്ത് കിടക്കുന്നതാണ് കണ്ടത്. ഉടന്‍ തന്നെ ആശുപത്രിയില്‍ എത്തിച്ചു. എന്നാല്‍ അപ്പോഴേക്കും മരണം സംഭവിച്ചിരുന്നെന്ന് പോലീസ് വ്യക്തമാക്കി.
മൊബൈല്‍ ഫോണിന്റെ ബാറ്ററിയാണ് പൊട്ടിത്തെറിച്ചത്. ചാര്‍ജറും സ്വിച്ച് ബോര്‍ഡും പൊട്ടിച്ചിതറിയിട്ടുണ്ട്. സംഭവത്തില്‍ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.
Discussion about this post