മുംബൈ: ലോക്‌സഭാ തെരഞ്ഞെടുപ്പിന്റെ ഫലം പുറത്ത് വന്നതിനു പിന്നാലെ തന്നെ പ്രധാനമന്ത്രി നരേന്ദ്ര മോഡിയുടെ ജീവിതം ആസ്പദമാക്കിയുള്ള സിനിമയായ പിഎം നരേന്ദ്ര മോഡി റിലീസ് ആയിരുന്നു. ആദ്യ ദിനത്തില്‍ ആരും തന്നെ ചിത്രം കാണുവാന്‍ ഉണ്ടായിരുന്നില്ലെന്നാണ് റിപ്പോര്‍ട്ട്. എന്നാല്‍ ഇപ്പോള്‍ തള്ളികയറ്റാണ്. ചിത്രം കാണാന്‍ എത്തുന്നവര്‍ക്ക് മറ്റൊരു അപൂര്‍വ്വ കാഴ്ച കൂടി തീയ്യേറ്ററിനു മുന്‍പില്‍ ഉണ്ട്.
ചിത്രത്തിന്റെ പ്രൊമോഷന്റെ ഭാഗമായി വിവേക് ഒബ്റോയി ചായ അടിക്കുന്ന കാഴ്ചയാണ് അത്. പിഎം നരേന്ദ്ര മോഡി എന്ന ചിത്രത്തില്‍ മോഡിയെ അവതരിപ്പിച്ചത് വിവേക് ഒബ്റോയി ആയിരുന്നു. ചായ അടിച്ചും സിനിമ കാണാന്‍ എത്തിയവര്‍ക്ക് ചായ വിതരണം ചെയ്തുമാണ് അദ്ദേഹം പ്രൊമോഷന്‍ നടത്തിയത്. സംഭവത്തിന്റെ ദൃശ്യങ്ങള്‍ സമൂഹമാധ്യമങ്ങളില്‍ നിറയുന്നുണ്ട്. മുംബൈയില്‍ നടന്ന പ്രീമിയര്‍ ഷോക്കിടെയാണ് സംഭവം.
Discussion about this post