ന്യൂഡല്‍ഹി; ലോക്‌സഭാ തെരഞ്ഞെടുപ്പില്‍ വിജയം കൈവരിച്ച പ്രധാനമന്ത്രി നരേന്ദ്ര മോഡിക്ക് ആശംസകള്‍ നേര്‍ന്ന് സംവിധായകന്‍ അനുരാഗ് കശ്യാപ്, ഒപ്പം തന്റെ മകളെ ഭീഷണിപ്പെടുത്തുന്ന താങ്കളുടെ അനുയായികളെ എന്ത് ചെയ്യണമെന്ന് പറഞ്ഞതരണമെന്നും സംവിധായകന്‍ ആവശ്യപ്പെടുന്നു.
വിജയം കരസ്ഥമാക്കി മോഡി സര്‍ക്കാര്‍ വീണ്ടും അധികാരത്തില്‍ തന്നെ തുടരുകയാണ്. തുടര്‍ന്ന് നിരവധി പ്രമുഖരും മോഡിക്ക് അഭിനന്ദനങ്ങള്‍ അറിയിച്ചു. ഇപ്പോള്‍ സംവിധായകന്‍ അനുരാഗ് കശ്യാപിന്റെ ആശംസയാണ് ശ്രദ്ധേയമായത്. മോഡി സര്‍ക്കാര്‍ അഭിനന്ദനങ്ങള്‍ എന്റെ മകളെ ഭീഷണിപ്പെടുത്തുന്ന താങ്കളുടെ അനുയായികളെ എന്ത് ചെയ്യണമെന്ന് കൂടി പറഞ്ഞ്തരൂ കശ്യാപ് ട്വീറ്റ് ചെയ്തു. മകള്‍ക്ക് മോഡി അനുയായികളയച്ച സന്ദേശത്തിന്റെ സ്‌ക്രീന്‍ഷോട്ടും അദ്ദേഹം ഇതോടൊപ്പം പങ്കുവെച്ചു. വ്യക്തമായ രാഷ്ട്രീയ നിവപാടുള്ള വ്യക്തിയാണ് കശ്യാപ്.
നരേന്ദ്ര മോഡിയുടെ നേതൃത്വത്തിലെ എന്‍ഡിഎ സര്‍ക്കാര്‍ സീറ്റ് സ്വന്തമാക്കിയതിന് തൊട്ടുപിന്നാലെയാണ് അനുരാഗ് ചോദ്യവുമായി രംഗത്തെത്തിയത്.
Discussion about this post