ന്യൂഡല്‍ഹി: പതിനേഴാം ലോക്‌സഭാ തെരഞ്ഞെടുപ്പില്‍ കേന്ദ്രത്തില്‍ വീണ്ടും അധികാരത്തിലേറിയ എന്‍ഡിഎയെയും മോഡിയെയും അഭിനന്ദിച്ച് ബോളിവുഡ് നടന്‍ അക്ഷയ് കുമാര്‍. ട്വിറ്ററിലൂടെയാണ് അക്ഷയ് കുമാര്‍ മോഡിയെ അഭിനന്ദിച്ചത്. ‘മോഡിജി ഈ ചരിത്രവിജയത്തില്‍ താങ്കള്‍ക്ക് എന്റെ ഹൃദയം നിറഞ്ഞ അഭിനന്ദങ്ങള്‍’ എന്നാണ് അക്ഷയ് കുമാര്‍ ട്വിറ്ററില്‍ കുറിച്ചത്. രാജ്യത്തിന്റെ പുരോഗതിക്കായുള്ള താങ്കളുടെ അധ്വാനത്തെ അംഗീകരിക്കുന്നുവെന്നും രണ്ടാം തവണയും അധികാരത്തിലെത്തുന്ന താങ്കള്‍ക്ക് എല്ലാവിധ വിജയവും ആശംസിക്കുന്നുവെന്നും അക്ഷയ് കുമാര്‍ ട്വിറ്ററില്‍ കുറിച്ചു.
543 ലോക്‌സഭാ സീറ്റില്‍ 299 സീറ്റിലും ബിജെപി വിജയം ഉറപ്പിച്ചു. കോണ്‍ഗ്രസിന് ഇത്തവണ വെറും 52 സീറ്റിലാണ് വിജയം ഉറപ്പിക്കാനായത്.
എന്നാല്‍ ലോക്‌സഭാ തെരഞ്ഞെടുപ്പില്‍ അക്ഷയ് കുമാര്‍ വോട്ട് ചെയ്യാത്തത് നേരത്തേ വലിയ ചര്‍ച്ചയ്ക്ക് വഴിവെച്ചിരുന്നു. ദേശസ്‌നേഹ ചിത്രങ്ങളില്‍ അഭിനയിക്കുന്ന താരം എന്തുകൊണ്ട് വോട്ട് ചെയ്തില്ല എന്ന ചോദ്യമായിരുന്നു പ്രധാനമായും ഉയര്‍ന്നത്. ഇതിന് വിശദീകരണവുമായി താരം തന്നെ രംഗത്തെത്തിയിരുന്നു. തന്റേത് കനേഡിയന്‍ പൗരത്വമാണെന്നും അതുകൊണ്ട് തനിക്ക് വോട്ട് ചെയ്യാന്‍ കഴിയില്ലെന്ന് താരം പറഞ്ഞിരുന്നു.
ഭരണത്തുടര്‍ച്ച സാധ്യമാക്കിയ നരേന്ദ്ര മോദിക്ക് ലോകത്തിന്റെ ഭരണത്തലവന്‍മാരില്‍ നിന്നുള്ള അഭിനന്ദനപ്രവാഹമാണ്. ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു, പാക് പ്രധാനമന്ത്രി ഇമ്രാന്‍ ഖാന്‍ തുടങ്ങിയവര്‍ മോദിക്ക് അഭിനന്ദനവുമായി എത്തി. ബോളിവുഡ് നടി പ്രീതി സിന്റ, നടന്‍ മോഹന്‍ലാല്‍, രജനികാന്ത് തുടങ്ങിയ താരങ്ങളും മോദിയെ അഭിനന്ദിച്ച് രംഗത്തെത്തി.
Heartiest congratulations Hon. Prime Minister @narendramodi ji on the historic win. All your efforts to advance the nation and put it on the global map have been acknowledged. Wishing you an even more successful second term.
— Akshay Kumar (@akshaykumar) May 23, 2019
Discussion about this post