മുംബൈ: ലോക്‌സഭാ തെരഞ്ഞെടുപ്പിന്റെ ഫലം വന്നതിന്റെ ആഘാതത്തിലും ആഹ്ലാദത്തിലുമാണ് പാര്‍ട്ടികള്‍. രാജ്യം ഏറെ പ്രതീക്ഷയോടെ കാത്തിരുന്ന ഒരു തെരഞ്ഞെടുപ്പു കൂടിയായിരുന്നു ഇത്. അതിനാല്‍ തന്നെ ലീവെടുത്തും യാത്രകള്‍ ഒഴിവാക്കിയും മറ്റും നിരവധി പേര്‍ ടിവിക്ക് മുന്‍പില്‍ ഇരുന്നവര്‍ ആണ്. എന്നാല്‍ എല്ലാവര്‍ക്കും അതിന് സാധിച്ചിട്ടില്ല. ദൂരെ യാത്രകള്‍ ജോലിയില്‍ പ്രവേശിച്ചവര്‍ക്ക് ലീവ് കിട്ടാത്തത്, ഇങ്ങനെ നീളും.
ഇപ്പോള്‍ അത്തരക്കാര്‍ക്ക് ആശ്വാസമാവുന്ന ഒരു കാഴ്ചയാണ് മുംബൈ റെയില്‍വെ സ്‌റ്റേഷനില്‍ നിന്നും വരുന്നത്. തെരഞ്ഞെടുപ്പ് ഫലം കാണുന്നതിനായി യുവാവ് പുറകില്‍ ടിവി വെച്ച് നടക്കുകയാണ് ചെയ്തത്. ‘മുംബൈ റെയില്‍വേ സ്റ്റേഷനിലൂടെ ഒരു എല്‍സിഡി സ്‌ക്രീന്‍ പുറത്തുവച്ചു കെട്ടി നടന്നു നീങ്ങുന്ന മനുഷ്യന്‍’ ട്വിറ്ററില്‍ പങ്കുവെച്ച ഈ ചിത്രം ഇപ്പോള്‍ കൗതുകം നിറഞ്ഞ് മുന്നേറുകയാണ്.
വൈദ്യുതാഘാതമേല്‍ക്കാനുള്ള റിസ്‌ക് തള്ളിക്കളയാനാകില്ല എന്നാണ് ട്വീറ്റിനോട് ഒരാള്‍ പ്രതികരിച്ചത്. നിരവധി പേരാണ് ഇത് റീട്വീറ്റ് ചെയ്തിരിക്കുന്നത്. കൗതുകത്തിനു പുറമെ ആ വ്യക്തിയ്ക്ക് ഷോക്കടിക്കുമോ എന്ന ആശങ്കയും പങ്കുവെച്ചിട്ടുണ്ട്.
This is what I came across today at a Metro station in Mumbai! #ElectionResults2019 pic.twitter.com/6mTTjukcec
— Jesal Sampat (@Jesal_Sampat) May 23, 2019