ചെന്നൈ: ലോക്സഭാ തെരഞ്ഞെടുപ്പില് മിന്നുന്ന പ്രകടനം കാഴ്ച വെച്ച പ്രധാനമന്ത്രി നരേന്ദ്ര മോഡിക്ക് ആശംസകളുമായി തമിഴ് നടന് രജനീകാന്ത് രംഗത്ത്. ബഹുമാനപ്പെട്ട നരേന്ദ്ര മോഡിജിയ്ക്ക് എല്ലാ ആശംസകളും, നിങ്ങള് അത് നേടി. ദൈവം അനുഗ്രഹിക്കട്ടെയെന്ന് രജനീകാന്ത് ട്വിറ്ററില് കുറിച്ചു. ഇതിന് മുന്പ് പല അവസരങ്ങളിലും ബിജെപിയ്ക്ക് അനുകൂലമായും പ്രതികൂലമായും രജനീകാന്ത് പ്രതികരിച്ചിട്ടുണ്ട്.
അതേസമയം കോണ്ഗ്രസിന് നേട്ടം കേരളത്തിലും പഞ്ചാബിലും മാത്രമാണ്. 2014ല് തമിഴ്നാട് ഡിഎംകെയുടെ നേതൃത്വത്തില് യുപിഎ തൂത്തുവാരി. ബിഹാറില് യുപിഎ തകര്ന്നടിഞ്ഞു. ഈയിടെ ഭരണം പിടിച്ച രാജസ്ഥാന്, മധ്യപ്രദേശ്, ഛത്തീസ്ഗഢ് എന്നിവിടങ്ങളിലാകട്ടെ തോല്വിയുടെ പടുകുഴിയിലും.
രാജ്യത്ത് ഇപ്പോള് എന്ഡിഎ തരംഗം അലയടിക്കുകയാണ്. പ്രധാനമന്ത്രി നരേന്ദ്രമോഡി വൈകിട്ട് അഞ്ചിന് പാര്ട്ടി ആസ്ഥാനത്തെത്തും. ബിജെപി പാര്ലമെന്ററി പാര്ട്ടി യോഗം അഞ്ചരയ്ക്ക് ചേരും. 26ന് പുതിയ സര്ക്കാര് അധികാരമേല്ക്കുമെന്നാണ് സൂചന. രാജ്യമെമ്പാടും ബിജെപി വന് മുന്നേറ്റം നേടിയതിന് പിന്നാലെയാണ് പാര്ട്ടി മറ്റ് നടപടികള് വേഗത്തിലാക്കുന്നത്.
Discussion about this post