ഭോപ്പാല്‍: വിവാഹം കഴിഞ്ഞ യുവതിയുടെ കൂടെ ഒളിച്ചോടിയതിന് യുവാവിന് ക്രൂര മര്‍ദ്ദനം. സ്ത്രീയുടെ ഭര്‍ത്താവാണ് യുവാവിനെ തല്ലി ചതച്ചത്. മരത്തില്‍ കെട്ടിയിട്ട് വടികൊണ്ട് തല്ലുകയായിരുന്നു. മധ്യപ്രദേശിലെ ധറിലാണ് സംഭവം നടന്നത്.
മുകേഷിന്റെ ഭാര്യയുടെ കൂടെയാണ് രവി ഒളിച്ചോടിയത്. തുടര്‍ന്ന് ഇരുവരും വിവാഹിതരാകുകയായിരുന്നു. ഇതേക്കുറിച്ച് സംസാരിക്കാനായി മുകേഷ് രവിയെ വിളിച്ചു വരുത്തി. എന്നാല്‍ സംസാരത്തിന് മുതിരാതെ ഇയാള്‍ രവിയെ മരത്തില്‍ കെട്ടിയിട്ട് തല്ലുകയായിരുന്നു. രവിയുടെ കൂടെ എത്തിയ രണ്ടു ബന്ധുക്കളെയും മുകേഷ് മര്‍ദ്ദിച്ചു.
മൂന്നു പേരെയും മുകേഷ് മരത്തില്‍ കെട്ടിയിട്ട് മര്‍ദ്ദിക്കുന്നത് കണ്ടെങ്കിലും ആരും ഇടപെട്ടില്ല. സംഭവത്തിന്റെ വീഡിയോ ചിലര്‍ എടുക്കുകയും അത് സമൂഹമാധ്യമങ്ങളില്‍ പ്രചരിപ്പിക്കുകയും ചെയ്തു. ഇതേ തുടര്‍ന്ന് അഞ്ചു പേരെ പോലീസ് അറസ്റ്റു ചെയ്തു.
Discussion about this post