രാഹുല്‍ ഗാന്ധിയുടെ ഈ ചിത്രമിപ്പോള്‍ സമൂഹമാധ്യമങ്ങളില്‍ വൈറലായിക്കൊണ്ടിരിക്കുകയാണ്. ചിത്രം കണ്ടവരൊക്കെ ചോദിക്കുന്നത് ഇതെന്താ ലൂസിഫര്‍ എക്ടാണോ എന്നാണ്. ലൂസിഫറിലെ മോഹന്‍ലാല്‍ കഥാപാത്രമായ സ്റ്റീഫന്‍ നെടുമ്പള്ളിയുടെ ‘വാടാ’ മുദ്രയോട് സാദൃശ്യമുള്ളതാണ് ചിത്രമെന്നാണ് സമൂഹമാധ്യമങ്ങള്‍ പറയുന്നത്.
രാഹുല്‍ ചിത്രം കാണാന്‍ വഴിയില്ലെങ്കിലും വയനാട് മണ്ഡലത്തിലെ പ്രചാരണത്തിനിടെ ലൂസിഫറിന്റെ പോസ്റ്റര്‍ എങ്കിലും കാണാനുള്ള സാധ്യത ഉണ്ടാവുമല്ലോ എന്നാണ് സോഷ്യല്‍മീഡിയയുടെ ചോദ്യം. കോണ്‍ഗ്രസ് ഔദ്യോഗിക ട്വിറ്റര്‍ ഹാന്ഡിലില്‍ ഈ ചിത്രം പങ്കുവെച്ചിട്ടുണ്ട്.
പൃഥ്വരാജ് സുകുമാരന്‍ ആദ്യമായി സംവിധാനം ചെയ്ത ചിത്രമാണ് ലൂസിഫര്‍. 150 കോടി കളക്ഷന്‍ നേടി ഇപ്പോഴും തീയ്യേറ്ററുകളില്‍ ജൈത്രയാത്ര തുടരുകയാണ് ചിത്രം. ചിത്രം തെലുങ്ക്, തമിഴ് ഭാഷകളില്‍ ഇറങ്ങിക്കഴിഞ്ഞു. മുരളി ഗോപി തിരക്കഥ ഒരുക്കിയ സിനിമ ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് നിര്‍മ്മിച്ചത്. മഞ്ജുവാര്യര്‍, വിവേക് ഒബ്രോയി, ഇന്ദ്രജിത്ത്, ടൊവീനോ തോമസ് എന്നിങ്ങനെ വന്‍ താരനിരതന്നെ ചിത്രത്തില്‍ അണിനിരന്നിട്ടുണ്ട്.
Discussion about this post