മോഡി, മോഡി യസ് പപ്പാ….വികസനമുണ്ടോ നോ പപ്പാ; പരിഹസിച്ച് ആര്‍ജെഡി

പ്രധാനമന്ത്രി നരേന്ദ്ര മോഡിയെ പരിഹസിച്ച് രാഷ്ട്രീയ ജനതാ ദള്‍. ട്വിറ്റര്‍ പേജിലൂടെയാണ് ആര്‍ജെഡി പരിഹാസവുമായി രംഗത്തെത്തിയിരിക്കുന്നത്. പാരഡി ഗാനം വളരെപ്പെട്ടെന്ന് തന്നെ സമൂഹമാധ്യമങ്ങളില്‍ വൈറലായി. ധാരാളം പേര്‍ ഈ ട്വീറ്റ് റീട്വീറ്റ് ചെയ്തു.

എന്‍ഡിഎ സര്‍ക്കാരിന്റെ ഭരണത്തെ പരിഹസിച്ചാണ് പോസ്റ്റ്. ഇതിനായി ‘ജോണി ജോണി യസ് പപ്പാ’ എന്ന പാട്ടിന്റെ പാരഡിയാണ് ഉണ്ടാക്കിയിരിക്കുന്നത്. മോഡിയുടെ ഭക്തരുടെ മക്കള്‍ ഭാവിയില്‍ ഇത് ചൊല്ലി പഠിക്കുമെന്ന് പറഞ്ഞ് കൊണ്ടാണ് ട്വീറ്റ്.

മോഡി ഭരണത്തില്‍ വികസനമില്ല, സ്ത്രീ സുരക്ഷ ഇല്ല, 10 കോടി ജോലി ഇല്ല, 15 ലക്ഷം ഇല്ല, കര്‍ഷകര്‍ക്ക് സന്തോഷമില്ലെയെന്നും പദ്യത്തില്‍ പറയുന്നു. പാരഡി ഗാനം എന്തായാലും ഇതിനോടകം തന്നെ സമൂഹമാധ്യമങ്ങളില്‍ തരംഗമായിക്കഴിഞ്ഞു.