കാശ്മീരില്‍ കനത്ത മഞ്ഞുവീഴ്ച; ഗതാഗതം സ്തംഭിച്ചു

ശ്രീനഗര്‍: ജമ്മുകാശ്മീരില്‍ കനത്ത മഞ്ഞുവീഴ്ചയെ തുടര്‍ന്ന് ഗതാഗതം സ്തംഭിച്ചു. കനത്ത മഞ്ഞുവീഴ്ച കാരണം സംസ്ഥാനത്ത് പൊതുജനങ്ങള്‍ ബുദ്ധിമുട്ടുകയാണ്. റോഡുകളിലും മറ്റും മഞ്ഞ് വീണ് ഗതാഗതം തടസപ്പെട്ടിരിക്കുകയാണ്. പീര്‍ കി ഗലിയിലെ മുഗള്‍ റോഡ് അടക്കം നിരവധിയിടങ്ങളില്‍ മഞ്ഞുകട്ടകള്‍ നീക്കം ചെയ്യാനുള്ള ശ്രമങ്ങള്‍ നടക്കുകയാണ്. പലയിടത്തും മഞ്ഞുവീഴ്ചയെത്തുടര്‍ന്ന് അപകടങ്ങള്‍ വര്‍ദ്ധിക്കുകയാണ്.