വാരണാസി: പ്രധാനമന്ത്രി നരേന്ദ്ര മോഡി ഇന്ന് വാരണാസിയില്‍ നാമനിര്‍ദേശ പത്രിക സമര്‍പ്പിക്കും. രാവിലെ കാല ഭൈരവ ക്ഷേത്രത്തില്‍ ദര്‍ശനം നടത്തിയ ശേഷം ബിജെപി ഭാരവാഹികളെ കാണും. ശേഷം ഉച്ചയ്ക്ക് 12 മണിയോടെ കളക്ട്രേറ്റില്‍ എത്തി പത്രിക സമര്‍പ്പിക്കും.
ബിജെപി പാര്‍ലമെന്ററി പാര്‍ട്ടി നേതാക്കളും എന്‍ഡിഎയുടെ പ്രമുഖനേതാക്കളും മോഡിയെ അനുഗമിക്കും. എന്‍ഡിഎ നേതാക്കളെ അണി നിരത്തി ഐക്യസന്ദേശം നല്‍കാനാണ് ബിജെപി ശ്രമം. കഴിഞ്ഞ ദിവസം പത്രികാ സമര്‍പ്പണത്തിന്റെ ഭാഗമായി മോഡി റോഡ് ഷോ നടത്തിയിരുന്നു. വന്‍പങ്കാളിത്തമാണ് പരിപാടിയില്‍ ഉണ്ടായിരുന്നത്.
അതേസമയം കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ഇന്ന് മൂന്ന് തെരഞ്ഞെടുപ്പ് റാലികളില്‍ പങ്കെടുക്കുന്നുണ്ട്. ബിഹാറിലും ഒഡീഷയിലും മഹാരാഷ്ട്രയിലുമാണ് പ്രചാരണം. പ്രിയങ്കഗാന്ധി ഉത്തര്‍ പ്രദേശില്‍ തെരഞ്ഞെടുപ്പ് പ്രചാരണം തുടരുകയാണ്. ഉന്നാവോയിലും ബാരാബങ്കിയിലും പ്രിയങ്ക റോഡ് ഷോ നടത്തും.
Discussion about this post