ലഖ്നൗ:17ാം ലോക്സഭ തെരഞ്ഞെടുപ്പിന്റെ രണ്ടാംഘട്ട പോളിംങ് നടന്നുകൊണ്ടിരിക്കുകയാണ്. അതിനിടയില് ബിജെപിക്കെതിരെ ആരോപണവുമായി രംഗത്ത് വന്നിരിക്കുകയാണ് ഉത്തര്പ്രദേശിലെ അംറോഹ ലോക്സഭ മണ്ഡലത്തിലെ ബിഎസ്പി സ്ഥാനാര്ത്ഥി കുന്വാര് ഡാനിഷ് അലി.
പോളിംങ് ബൂത്തില് ബുര്ഖ ധരിച്ചെത്തുന്ന സ്ത്രീ വോട്ടര്മാര് ബിജെപിക്ക് വേണ്ടി കള്ള വോട്ട് ചെയ്യുന്നുവെന്നും,തോല്ക്കുമെന്ന ഭയം കാരണമാണ് ഇത്തരത്തിലുള്ള പ്രവൃത്തികള് ചെയ്യാന് ബിജെപിയെ പ്രേരിപ്പിക്കുന്നതെന്നുമാണ് ഡാനിഷ് അലിയുടെ ആരോപണം.
എന്നാല് ഇതേ നാണയത്തില് ആരോപണത്തിന് മറുപടിയുമായെത്തിയിരിക്കുകയാണ് ബിജെപി സ്ഥാനാര്ത്ഥിയായ കുന്വാര് സിങ് തന്വാര്. എസ്പി-ബിഎസ്പി സഖ്യം ആളുകളെ ബുര്ഖ ധരിപ്പിച്ച് കളളവോട്ട് ചെയ്യിപ്പിക്കുകയാണെന്ന് അദ്ദേഹം ആരോപിച്ചു. അതേസമയം സ്ഥാനാര്ത്ഥികളുടെ ആരോപണങ്ങള് അവാസ്തവമാണെന്ന് മുഖ്യ തെരഞ്ഞെടുപ്പ് ഓഫീസര് അറിയിച്ചു.
Discussion about this post