ബംഗളൂരു: പ്രവര്ത്തകര്ക്കിടയില് എന്നും ആവേശമാണ് പ്രധാനമന്ത്രി നരേന്ദ്ര മോഡി. നാല് വര്ഷം മുന്പ് നിലനിന്നിരുന്ന മോഡി പ്രഭാവത്തിന് ഇന്നും യാതൊരു കുറവുമില്ലെന്നതാണ് വാസ്തവം. ലോക്സഭാ തെരഞ്ഞെടുപ്പ് അടുത്തിരിക്കെ റോഡ് ഷോകളും വലിയ റാലികളും പ്രസംഗവേദികളില് കത്തിക്കറയുന്ന മോഡി പ്രവര്ത്തകര്ക്കിടയില് വലിയ ആവേശമാണ്. ഇപ്പോള് അത്തരത്തിലൊരു ആവേശമാണ് സമൂഹമാധ്യമങ്ങളില് വൈറലാകുന്നത്.
കര്ണാടകയില് നടന്ന വമ്പന് റാലിക്കിടയില് ആവേശം മൂത്ത് അതിര് വിട്ട പ്രവര്ത്തകരുടെ വീഡിയോ ആണ് വൈറലാകുന്നത്. ഇഷ്ട നേതാവിനെ കണ്ടപാടെ ആവേശം മൂത്ത് പ്രവര്ത്തകര് മരത്തില് ചാടിക്കയറുകയായിരുന്നു. പ്രസംഗത്തിനിടയില് മരത്തില് കയറിയ പ്രവര്ത്തകരെ കണ്ടപാടെ പ്രസംഗത്തിനിടയില് അവരെ താഴെയിറങ്ങാന് നിര്ദേശം നല്കുകയായിരുന്നു.
മോഡിയുടെ പ്രസംഗം കേള്ക്കാനായി പ്രവര്ത്തകര് മരത്തില് കയറുകയായിരുന്നു. ചെറിയ കൊമ്പുകളിലും മറ്റും കൂട്ടമായി ബിജെപിക്കാര് നിലയുറപ്പിക്കുകയായിരുന്നു. ശേഷം ശ്രദ്ധയില്പ്പെട്ടതോടെ ചെറിയ മരക്കൊമ്പുകളില് കയറിയിരിക്കുന്നത് സുരക്ഷിതമല്ലെന്നും അപകടം സംഭവിച്ചാല് അത് എല്ലാവര്ക്കും വേദനയുണ്ടാക്കുമെന്നും മോഡി പറയുന്നു. താഴെ ഇറങ്ങണമെന്നും ആവശ്യപ്പെട്ടു. ഇതോടെ പ്രവര്ത്തകര് താഴെയിറങ്ങുകയായിരുന്നു.
#WATCH: Prime Minister Narendra Modi urges people to climb down the trees at his public rally in Mangaluru, as the crowd swells. #Karnataka pic.twitter.com/0SeGmY4ZH3
— ANI (@ANI) April 13, 2019
Discussion about this post