മധുര: സിപിഎം സ്ഥാനാര്‍ത്ഥിക്ക് വോട്ട് തേടി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. മധുരയിലെ സിപിഎം സ്ഥാനാര്‍ത്ഥി സു വെങ്കടേശന് വോട്ട് അഭ്യര്‍ത്ഥിച്ചാണ് രാഹുല്‍ ഗാന്ധി എത്തിയത്. കോണ്‍ഗ്രസ് ഡിഎംകെ സഖ്യത്തിന്റെ ഭാഗമായ സിപിഎമ്മും സിപിഐയും മുസ്ലിം ലീഗും ഒരേ വേദിയില്‍ അണിനിരന്നത് ജനങ്ങളേയും ആവേശത്തിലാക്കി.
സു വെങ്കടേശന് രാഹുല്‍ ഗാന്ധിയെ കൈകൊടുത്തു സ്വീകരിച്ചു.കൂടാതെ സ്ഥാനാര്‍ത്ഥി കൈപ്പത്തി ചിഹ്നമുള്ള ബാഡ്ജ് അണിയുകയും ചെയ്തിരുന്നു. ഈ സമ്മേളനത്തിന് പാര്‍ട്ടി പ്രവര്‍ത്തകര്‍ സിപിഎമ്മിന്റെയും കോണ്‍ഗ്രസിന്റെയും പതാകകള്‍ സ്ഥാപിച്ച വാഹനങ്ങളിലായിരുന്നു എത്തിയത്. തൂത്തുക്കുടിയിലേക്കുള്ള ദേശീയ പാതയ്ക്ക് സമീപം കോണ്‍ഗ്രസ് സിപിഎം കൊടികള്‍ പാറിക്കളിച്ചു. ഇടയ്ക്കു മുസ്ലിം ലീഗിന്റെ പാതകയുമുണ്ടായിരുന്നു.
Discussion about this post