ന്യൂഡല്‍ഹി: ലോക്‌സഭ തെരഞ്ഞെടുപ്പില്‍ ജനങ്ങള്‍ എന്‍ഡിഎ സര്‍ക്കാറിന്റെ അഞ്ചുവര്‍ഷത്തെ പ്രവര്‍ത്തന മികവിന്റെ അടിസ്ഥാനത്തില്‍ വിലയിരുത്തണമെന്ന് കേന്ദ്രമന്ത്രിയും നാഗ്പൂരിലെ ബിജെപി സ്ഥാനാര്‍ത്ഥിയുമായ നിതിന്‍ ഗഡ്കരി.
‘ഇത്തവണത്തെ ലോക്‌സഭ തെരഞ്ഞെടുപ്പില്‍ ജനങ്ങള്‍ അഞ്ച് വര്‍ഷത്തെ പ്രവര്‍ത്തന മികവിന്റെ അടിസ്ഥാനത്തിലാവണം ഭരണകക്ഷിയെ വിലയിരുത്തേണ്ടത്. ഞങ്ങള്‍ നന്നായി ഭരിച്ചില്ലെന്ന് ജനങ്ങള്‍ക്ക് തോന്നുകയാണെങ്കില്‍ അവര്‍ മറ്റുപാര്‍ട്ടികള്‍ക്ക് വോട്ടു ചെയ്യുമെന്ന് ഗഡ്കരി പറഞ്ഞതായി എന്‍ഡിടിവി റിപ്പോര്‍ട്ടു ചെയ്തു.
‘അധികാരത്തിനുവേണ്ടിയാണ് രാഷ്ട്രീയം എന്നു താന്‍ കരുതുന്നില്ലെന്നും രാഷ്ട്രീയം സമൂഹത്തിനുവേണ്ടിയാണെന്നും നിതിന്‍ ഗഡ്കരി പറഞ്ഞു. താനൊരിക്കലും ജാതി രാഷ്ട്രീയം ഉയര്‍ത്തി കാട്ടിയിട്ടില്ലെന്നും ഗഡ്കരി പറഞ്ഞു. ഞാന്‍ ചിലപ്പോള്‍ ജനങ്ങളോട് തമാശയായി പറയാറുണ്ട് ഈ അഞ്ച് വര്‍ഷം കൊണ്ട് ഞാന്‍ ചെയ്തതൊക്കെ വെറും ട്രെയിലര്‍ മാത്രമാണെന്ന്. ജനം മുഴുവന്‍ പടം കാണാന്‍ പോവുന്നതേയുള്ളൂ’ നിതിന്‍ ഗഡ്കരി പറഞ്ഞു.
Discussion about this post