അഭിനന്ദനെ വരവേറ്റ് ‘അമുല്‍ ബേബി’; ജനസ്വീകാര്യത നേടി വൈറല്‍ കാര്‍ട്ടൂണ്‍

ന്യൂഡല്‍ഹി: രാഷ്ട്രീയകാര്യങ്ങളിലും മറ്റും നിറഞ്ഞു നില്‍ക്കുകയാണ് അമുല്‍ ബേബിയുടെ കാര്‍ട്ടൂണ്‍. ഇപ്പോള്‍ ഇതാ പാകിസ്താന്‍ കസ്റ്റഡിയില്‍ നിന്ന് ഇന്ത്യയിലേക്ക് തിരിച്ചെത്തിയ വ്യോമസേന വിംഗ് കമാന്റര്‍ അഭിനന്ദന്‍ വര്‍ധമാന്റെ അഭിമാന വരവിനെ ആഘോഷമാക്കിയിരിക്കുകയാണ് കമ്പനി.

അമുല്‍ ബേബി കയ്യില്‍ പലഹാരം പിടിച്ച് നില്‍ക്കുന്നു അഭിനന്ദന് പലഹാരം വായില്‍ വച്ച് കൊടുക്കുന്ന ഉദ്യോഗസ്ഥന്റന്‍ എന്നിവരാണ് കാര്‍ട്ടൂണിലുള്ളത്. ഇതിന് പുറമെ അമുലിന്റെ മറ്റൊരു കാര്‍ട്ടൂണും സാമൂഹ്യമാധ്യമങ്ങളില്‍ വൈറലാകുന്നുണ്ട്. ഇന്ത്യന്‍ വ്യോമസേന പാക് അതിര്‍ത്തി മറികടന്ന് നടത്തിയ ആക്രമണത്തിന് ആദരം അര്‍പ്പിച്ച് കൊണ്ടുള്ള കാര്‍ട്ടൂണാണിത്.

വ്യോമസേന പൈലറ്റുമാരുടെ കഴിവിനും ധീരതയ്ക്കും അഭിനന്ദനങ്ങള്‍ എന്ന അടിക്കുറിപ്പോടെയാണ് കാര്‍ട്ടൂണ്‍ സാമൂഹ്യമാധ്യമങ്ങളില്‍ പങ്കുവച്ചത്. ഹെലിക്കോപ്റ്ററിന്റെ മുന്നില്‍നിന്ന് നടന്നുവരുന്ന രണ്ട് വ്യോമസേന പൈലറ്റുമാരെ അഭിവാദ്യം ചെയ്യുന്ന അമുല്‍ ബേബിയാണ് കാര്‍ട്ടൂണ്‍.