ന്യൂഡല്‍ഹി: ഉയര്‍ത്തിപ്പിടച്ച തല, നട്ടെല്ല് വളയാതെ നിവര്‍ന്ന് നില്‍ക്കുന്ന ശരീരം, ഗാംഭീര്യം തുറന്ന് കാണിക്കുന്ന കൊമ്പന്‍ മീശ. ഇത്രയും വിശേഷണങ്ങള്‍ പറയുമ്പോള്‍ തന്നെ ഏത് ഉറക്കത്തിലും ജനത പറയും അത് അഭിനന്ദന്‍ എന്ന്. അത്രമേല്‍ ആ രൂപം മനസില്‍ കൊത്തിയെടുത്ത് കഴിഞ്ഞു. രാജ്യത്തിന്റെ നാനാഭാഗങ്ങളില്‍ നിന്നും വീരപുത്രന് അഭിനന്ദനങ്ങള്‍ ഒഴുകി എത്തുന്നുണ്ട്. അതിനു പുറമെ ഇപ്പോള്‍ ഹീറോയുടെ സ്റ്റൈല് കൂടി ഏറ്റെടുത്തിരിക്കുകയാണ് സോഷ്യല്‍മീഡിയ.
Can we speak for a moment about how amazing Wg Cdr Abhinandan Varthaman's Moustache is? https://t.co/p5BolOfVI8
— Ken Dennis (@KenDennis) February 28, 2019
ഫെബ്രുവരി 27നാണ് അദ്ദേഹം പാകിസ്താന്റ പിടിയിലായത്. മാര്‍ച്ച് ഒന്നിനാണ് അഭിനന്ദന്‍ വാഗാ അതിര്‍ത്തി വഴി സ്വന്തം മണ്ണിലെത്തി ചേര്‍ന്നത്. അതുവരെ അദ്ദേഹത്തിന്റെ വ്യക്തതയില്ലാത്ത ചിത്രങ്ങളാണ് പ്രത്യക്ഷപ്പെട്ടത്. എന്നാല്‍ ഇപ്പോള്‍ സമൂഹമാധ്യമങ്ങള്‍ ഏറ്റെടുത്തത് എതിരാളികള്‍ എതിരെ നില്‍ക്കുമ്പോഴും വീര്യം കൈവിടാതെ തല ഉയര്‍ത്തി നില്‍ക്കുന്ന അഭിനന്ദന്റെ ചിത്രങ്ങളാണ് വൈറലാകുന്നത്. ഒപ്പം ആ കട്ടി മീശയും.
അഭിനന്ദന്റെ ധീരതയുെടയും ആത്മവിശ്വാസത്തിന്റെയും ചിഹ്നം കൂടിയാണ് ഈ മീശ എന്ന് സോഷ്യല്‍ മീഡിയ അഭിപ്രായപ്പെടുന്നു. അഭിനന്ദനെപ്പോലെ മീശ വളര്‍ത്തുമെന്ന് പറയുന്നവരുമുണ്ട്. താരങ്ങളെ അല്ല അനുകരിക്കേണ്ടത്, ഇതുപോലെയുള്ള ജീവിതത്തിലെ യഥാര്‍ത്ഥ ഹീറോകളെയാണ് അനുകരിക്കേണ്ടതെന്ന് സോഷ്യല്‍മീഡിയ ഒന്നടങ്കം പറയുന്നു.
Wanna grow a moustache like IAF Pilot Abhinandan Varthaman!!!
— দেবর্ষি দাশ (@debarshi_taki) March 1, 2019
