ന്യൂഡല്‍ഹി: വാഹനമിടിച്ച് മേല്‍പ്പാലത്തില്‍ നിന്ന് വീണ ബൈക്ക് യാത്രകയ്ക്ക് ഗുരുതര പരിക്ക്. അജ്ഞാത വാഹനം തട്ടി 50 അടി താഴ്ചയിലേക്കാണ് യുവതി വീണത്. കുനാല്‍, സപ്ന, ജിയ എന്നീ മൂന്ന് പെണ്‍കുട്ടികളാണ് ബൈക്കിലുണ്ടായിരുന്നത്. ഇവര്‍ ഡല്‍ഹിയിലെ പസ്ചിം വിഹാറില്‍ നിന്ന് ജാനകിപുരിയിലേക്ക് പോവുകയായിരുന്നു.
യാത്രയ്ക്കിടെ അതിവേഗതയില്‍ വന്ന വാഹനം ഇവരുടെ ബൈക്കിനെ ഇടിക്കുകയും ഇടിയുടെ ആഘാതത്തില്‍ സപ്ന താഴേക്ക് വീഴുകയുമായിരുന്നു. പരിക്കുകളേറ്റ സപ്ന ആശുപത്രിയില്‍ ചികിത്സയിലാണ്. ഇവരുടെ വാഹനത്തെ ഇടിച്ചത് ഒരു കാറാണെന്നാണ് പോലീസ് നിഗമനം. സിസിടിവി ദൃശ്യങ്ങളിലൂടെ ഇവരെ ഇടിച്ച വാഹനമേതെന്ന് കണ്ടുപിടിക്കാനുള്ള ശ്രമത്തിലാണ് പോലീസ്.
Discussion about this post