ചെന്നൈ: സിനിമാ സീരിയല്‍ മേഖലയിലും പീഡനങ്ങളും ചൂഷണങ്ങളും ശക്തമാകുന്ന കാലഘട്ടമാണ്. അതിനെ തുടര്‍ന്നുള്ള ആത്മഹത്യകളും അടുത്തിടയായി കൂടി വരുന്നുണ്ട്. കഴിഞ്ഞ ദിവസമാണ് മിനിസ്‌ക്രീന്‍ പ്രേക്ഷകരുടെ പ്രിയ അഭിനേത്രിയായിരുന്ന നാഗ ജാന്‍സി എന്നൊരു സീരിയല്‍ നടി ആത്മഹത്യ ചെയ്തത്. അതിനു പിന്നാലെ സീരിയലുകളില്‍ വലുതും ചെറുതുമായ ഒരുപാട് കഥാപാത്രങ്ങളെ അവതരിപ്പിച്ച തമിഴ് നടി യഷികയും ആത്മഹത്യ ചെയ്തിരുന്നു. ഇപ്പോള്‍ യാഷികയുടെ ആത്മഹത്യാകുറിപ്പാണ് പുറത്ത് വരുന്നത്. അമ്മയ്ക്ക് വാട്‌സ്ആപ്പില്‍ ആണ് താരം സന്ദേശം അയച്ചത്. തന്റെ ബന്ധത്തെ കുറിച്ചും തുടര്‍ന്നുള്ള പീഡനത്തെ കുറിച്ചുമാണ് അവര്‍ സന്ദേശത്തില്‍ പരമാര്‍ശിച്ചിരുന്നത്.
21 വയസുകാരിയായ നടി ജീവിത പങ്കാളിയ്ക്കൊപ്പം ഒരു ഫ്‌ളാറ്റിലായിരുന്നു താമസിച്ചിരുന്നത്. മോഹന്‍ബാബു എന്ന വ്യക്തിയാണ് യഷികയ്ക്കൊപ്പം വാടകയ്ക്ക് എടുത്ത ഫ്‌ളാറ്റില്‍ താമസിച്ചിരുന്നത്. ഇരുവരും തമ്മിലുള്ള പ്രണയനൈരാശ്യത്തെ തുടര്‍ന്നാണ് ആത്മഹത്യയെന്ന് ഒരു നിഗമനത്തില്‍ പോലീസ് എത്തിയരുന്നു. ഇതിനു പിന്നാലെയാണ് പോലീസിന്റെ നിഗമനം ശരിവെച്ച് ഇപ്പോള്‍ ആത്മഹത്യാ കുറിപ്പ് പ്രത്യക്ഷപ്പെട്ടിരിക്കുന്നത്. മോഹന്‍ ബാബുവിനൊപ്പമുള്ള ബന്ധത്തെ കുറിച്ചായിരുന്നു നടി പറഞ്ഞിരുന്നത്. അദ്ദേഹം തന്നെ പീഡിപ്പിക്കുകയും മോശമായി പെരുമാറുകയും ചെയ്തിരുന്നു.
എന്നെ വിവാഹം കഴിക്കാമെന്ന് പറഞ്ഞിരുന്നെങ്കിലും ഇപ്പോള്‍ അതിന് താല്‍പര്യപ്പെടുന്നില്ല. ഞാന്‍ ആത്മഹത്യ ചെയ്ത് കഴിഞ്ഞിട്ട് അവനുള്ള ശിഷ കൊടുക്കണമെന്നുമായിരുന്നു യഷിക അമ്മയ്ക്ക് അയച്ച സന്ദേശത്തില്‍ പറഞ്ഞിരുന്നത്. സെല്‍ഫോണ്‍ സര്‍വീസ് സെന്ററില്‍ വര്‍ക്ക് ചെയ്തിരുന്ന മോഹന്‍ബാബുവുമായി പരിചയത്തിലാവുകയും പിന്നീട് പ്രണയത്തിലേയ്ക്ക് വഴിവെയ്ക്കുകയും ആയിരുന്നു. അതിന് ശേഷമാണ് ഇരുവരും ഫ്‌ളാറ്റ് എടുത്ത് മാറിയത്. ഇവിടെയാണ് നടിയെ തൂങ്ങി മരിച്ച നിലയില്‍ കണ്ടെത്തിയത്. യഷിക ആത്മഹത്യ ചെയ്തതോടെ ഒളിവില്‍ പോയ മോഹന്‍ബാബുവിന് വേണ്ടിയുള്ള തിരച്ചില്‍ ശക്തമാക്കിയിരിക്കുകയാണ് പോലീസ്.
Discussion about this post