പത്തനംതിട്ട: അയോധ്യ മാതൃകയില്‍ ശബരിമല പ്രശ്‌നത്തിലും പ്രക്ഷോഭം വേണമെന്ന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. പത്തനംതിട്ടയില്‍ ചേര്‍ന്ന ബിജെപി തെരഞ്ഞടുപ്പ് യോഗത്തില്‍ പങ്കെടുക്കത്ത് സംസാരിക്കുകയായിരുന്നു യോഗി.
അയോധ്യയിലേയും ശബരിമലയിലേയും ഹിന്ദുക്കളെ അപമാനിക്കാന്‍ശ്രമം നടക്കുന്നുണ്ട്. ശബരിമല കേസിലെ വിധി വിശ്വാസികള്‍ക്ക് എതിരാണെന്നും, ശബരിമല സമരങ്ങള്‍ക്ക് തന്റെ എല്ലാ പിന്തുണയുണ്ടാകുമെന്നും യോഗി കൂട്ടിച്ചേര്‍ത്തു.
ശബരിമല ക്ഷേത്രം സന്ദര്‍ശിക്കാന്‍ ആഗ്രഹം ഉണ്ടായിരുന്നു. എന്നാല്‍ കുംഭ മേളയുടെ തിരക്ക് കാരണം ആണ് എത്താന്‍ കഴിയാതിരുന്നതെന്ന് യോഗി ആദിത്യനാഥ് പറഞ്ഞു.