ന്യൂഡല്‍ഹി; വരുന്ന തെരഞ്ഞെടുപ്പില്‍ ബിജെപി അധികാരത്തിലെത്തുകയും മോഡി പ്രധാനമന്ത്രിയാകുകയും ചെയ്യുമെന്നാണ് തന്റെ പ്രതീക്ഷയെന്ന് സമാജ് വാദി നേതാവ് മുലായം സിംഗ് യാദവ്. ലോക്‌സഭയിലാണ് മുലായം സിംഗ് യാദവ് ഇക്കാര്യം പറഞ്ഞത്.
ലോക്‌സഭയില്‍ ഇതേ എംപിമാരെ വീണ്ടും കാണുമെന്നാണ് കരുതുന്നതെന്നും മുലായം കൂട്ടിച്ചേര്‍ത്തു. പാര്‍ലമെന്റിലെ തന്റെ വിടവാങ്ങള്‍ പ്രസംഗത്തിലായിരുന്നു അദ്ദേഹത്തിന്റെ അഭിപ്രായ പ്രകടനം. കോണ്‍ഗ്രസ് നേതാവ് സോണിയാഗാന്ധിയുടെ തൊട്ടടുത്തുള്ള സീറ്റിലിരുന്നാണ് മുലായം ബിജെപിയുടെ തിരിച്ചു വരവെന്ന ആഗ്രഹം പ്രകടിപ്പിച്ചത്.
മകന്‍ അഖിലേഷ് യാദവ് ഉത്തര്‍പ്രദേശില്‍ എന്‍ഡിഎയ്‌ക്കെതിരെ എസ്പി – ബിഎസ്പി സഖ്യം രൂപികരിച്ചിരിക്കുകയാണ്. ഇതിനിടെയാണ് മോഡിയെ പ്രശംസിച്ച് മുലായം രംഗത്ത് വന്നിരിക്കുന്നത്. ഉത്തര്‍പ്രദേശ് സംസ്ഥാന തെരഞ്ഞെടുപ്പിനോട് അനുബന്ധിച്ചാണ് മുലായം സിംഗ് യാദവും അഖിലേഷും തമ്മിലുള്ള അസ്വാരസ്യങ്ങള്‍ തുടങ്ങിയത്.