ശ്രീനഗര്‍: ഹൃദയ സ്പര്‍ശിയായ വീഡിയോ ആണ് ഇപ്പോള്‍ വൈറലാകുന്നത്. കടുത്ത മഞ്ഞിനെ ലെവലേശം വകവെയ്ക്കാതെ ഗര്‍ഭിണിയായ യുവതിയെ ആശുപത്രിയിലേക്ക് കൊണ്ടുപോകാന്‍ വഴിയൊരുക്കുകയാണ് ഒരുകൂട്ടം യുവാക്കള്‍. മഞ്ഞു വീഴ്ച്ചയില്‍ ഗതാഗതം തടസ്സപ്പെട്ടതോടെ കാശ്മീരില്‍ ജനജീവിതം താറുമാറായി. തുടര്‍ന്ന് യുവതിയെ ആശുപത്രിയില്‍ എത്തിക്കുക എന്ന ദൗത്യം ഏറ്റെടുത്തു ഈ യുവാക്കള്‍. യുവതിയേയും എടുത്ത് ആശുപത്രിയിലേക്ക് ഓടുകയാണ് ഇവര്‍.
കിഴക്കേ കാശ്മീരിലെ ഷീരി മേഖലയിലാണ് സംഭവം. ഗര്‍ഭിണിയായ യുവതിയുടെ നില അതീവ ഗുരുതരമായിരുന്നു. മഞ്ഞുവീഴ്ച്ചയായതിനാല്‍ ആംബുലന്‍സിന് വീട്ടിലേക്ക് വരാന്‍ കഴിയില്ല. തുടര്‍ന്ന് യുവാക്കള്‍ ചേര്‍ന്ന് യുവതിയെ എടുത്ത് കൊണ്ടുപോകുകയായിരുന്നു. വഴി മുഴുവന്‍ മഞ്ഞ് മൂടിയതിനാല്‍ ആളുകള്‍ നടക്കാന്‍ ബുദ്ധിമുട്ടി. എന്നാല്‍ എല്ലാ പ്രതിസന്ധികളേയും കവച്ചുവച്ച് യുവാക്കള്‍ യുവതിയെ ഷീരിയിലെ ആശുപത്രിയില്‍ പ്രവേശിപ്പിച്ചു. യുവതിയും കുഞ്ഞും സുഖമായിരിക്കുന്നതായി ആശുപത്രി അധികൃതര്‍ അറിയിച്ചു.
Amid heavy snowfall people carrying pregnant lady towards Sheeri hospital in north Kashmir. Ambulance sent to carry the patient could reach upto Audoora village only as roads are still clossd. Video Courtesy #Riyaz #Kashmir #SnowDay pic.twitter.com/WJEPIvzFKE
— Ishfaq Tantry (@ishfaqtantry) February 7, 2019
Discussion about this post