ശ്രീനഗര്‍: ജമ്മു കാഷ്മീരില്‍ പിഡിപി നേതാവ് നാഷണല്‍ കോണ്‍ഫറന്‍സ് പാര്‍ട്ടിയില്‍ ചേര്‍ന്നു. പിഡിപി ബാരമുള്ള ജില്ലാ പ്രസിഡന്റായിരുന്ന ഇര്‍ഷാദ് റസൂല്‍ കര്‍ ആണ് നാഷണല്‍ കോണ്‍ഫറന്‍സില്‍ ചേര്‍ന്നത്. നാഷണല്‍ കോണ്‍ഫറന്‍സ് അധ്യക്ഷന്‍ ഫറൂഖ് അബ്ദുള്ളയുടെ സാന്നിധ്യത്തില്‍ നടന്ന ചടങ്ങിലാണ് ഇര്‍ഷാദ് റസൂലിന്റെ പാര്‍ട്ടി പ്രവേശനം.
ഇര്‍ഷാര്‍ റസൂലിന്റെ പ്രവര്‍ത്തനങ്ങള്‍ ജനങ്ങളുടെ പുരോഗതിക്കു വേണ്ടിയായിരുന്നുവെന്നും അദ്ദേഹത്തെ പാര്‍ട്ടിയിലേക്ക് സ്വാഗതം ചെയ്യുന്നുവെന്നും ഫറൂഖ് അബ്ദുള്ള പറഞ്ഞു. നാഷണല്‍ കോണ്‍ഫന്‍സ് ഉപാധ്യക്ഷന്‍ ഉമര്‍ അബ്ദുള്ളയും മറ്റ് മുതിര്‍ന്ന നേതാക്കളും ചടങ്ങില്‍ പങ്കെടുത്തു.