ഡല്ഹി: മഹേന്ദ്ര പാര്ക്കിന് സമീപം ഇഷ്ടികകൊണ്ട് അടിച്ച് കൊലപ്പെടുത്തിയ പ്രതിയെ അറസ്റ്റ് ചെയ്തു. സജ്ജന് പാസ്വാന് എന്നയാളാണ് കൊല്ലപ്പെട്ടത്. കൊല ചെയ്ത വിനോദ് സഹയെ പൊലീസ് അറസ്റ്റ് ചെയ്തു. വിനോദിന്റെ ഭാര്യയുമായി പസ്വാന് ഉണ്ടായിരുന്ന അവിഹിത ബന്ധമാണ് കൊലപാതകത്തിന്റെ കാരണം.
ശനിയാഴ്ചയാണ് വിനോദ് ഉറങ്ങിക്കഴിഞ്ഞ ശേഷം പാസ്വാനെ ഭാര്യ വീട്ടിലേക്ക് വിളിച്ചു വരുത്തുകയായിരുന്നു. എന്തോ ശബ്ദം കേട്ട് ഉണര്ന്ന വിനോദ് ഭാര്യയും കാമുകനും തമ്മില് ലൈംഗീക ബന്ധത്തില് ഏര്പ്പെടുന്നതാണ് കണ്ടത്. തുടര്ന്ന് വിനോദ് പാസ്വാനുമായി വാക്കുതര്ക്കത്തില് ഏര്പ്പെടുകയും അടുത്തുണ്ടായിരുന്ന ഇഷ്ടിക എടുത്ത് അയാളുടെ തല അടിച്ച് പൊളിക്കുകയുമായിരുന്നു. കൊല നടത്തിയ ശേഷം വിനോദും ഭാര്യയും ഒളിവിലായിരുന്നു.
പിറ്റേദിവസം രാവിലെ വിനോദിന്റെ വീട്ടില് നിന്നും പാസ്വാന്റെ മൃതദേഹം കണ്ടെത്തുകയായിരുന്നുവെന്ന് പൊലീസ് അറിയിച്ചു. പിന്നീട് പോലീസ് ഇയാളെ പിടികൂടുകയായിരുന്നു.
Discussion about this post