പനാജി: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയെ വാനോളം പുകഴ്ത്തി ബിജെപി നേതാവ്. ഗോവ ഡെപ്യൂട്ടി സ്പീക്കര്‍ മൈക്കിള്‍ ലോബോയാണ് രാഹുല്‍ ഗാന്ധിയെ പ്രശംസിച്ച് രംഗത്ത് എത്തിയത്. രാഹുല്‍ ഗാന്ധിയെപോലെ ലളിത ജീവിതം നയിക്കുന്ന നേതാക്കളെ രാജ്യത്തിന് ആവശ്യമുണ്ടെന്ന് അദ്ദേഹം പറഞ്ഞു.
കഴിഞ്ഞ ദിവസം ഗോവ മുഖ്യമന്ത്രി മനോഹര്‍ പരിക്കറിനെ കാണാന്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി നിയമസഭാ മന്ദിരത്തില്‍ എത്തിയിരുന്നു. ഇതിനെപ്പറ്റി സംസാരിക്കുകയായിരുന്നു മൈക്കിള്‍. റാഫേല്‍ കരാറുമായി ബന്ധപ്പെട്ട് മനോഹര്‍ പരീക്കറിനെ രാഹുല്‍ വിമര്‍ശിച്ചിരുന്നു. ഇതിന് തൊട്ടുപിന്നാലെയാണ് രാഹുല്‍ പരീക്കറിനെ കാണാനെത്തിയത്.