ലണ്ടന്‍: 2014 ലോക്‌സഭാ തെരഞ്ഞെടുപ്പില്‍ ഇലക്ട്രോണിക് വോട്ടിംഗ് മെഷീനിലെ വന്‍ തിരിമറി കഴിഞ്ഞ ദിവസം ഞെട്ടലോടെയാണ് ഇന്ത്യന്‍ ജനത കേട്ടത്. ഇപ്പോഴും അട്ടിമറിയില്‍ വന്നുകൊണ്ടിരിക്കുന്നത് ഞെട്ടിക്കുന്ന വിവരങ്ങളാണ്. ഇന്ത്യയില്‍ ഉപയോഗിക്കുന്ന ഇലക്ട്രോണിക് വോട്ടിംഗ് മെഷീന്‍ (ഇവിഎം) നിര്‍മ്മാണത്തില്‍ പങ്കാളിയായ യുഎസ് സൈബര്‍ വിദഗ്ദന്‍ സൈദ് ഷുജയാണ് ഇപ്പോള്‍ ഞെട്ടിപ്പിക്കുന്ന വെളിപ്പെടുത്തലുമായി രംഗത്തെത്തിയത്.
അട്ടിമറി നടന്നതായി അറിയാമായിരുന്ന ബിജെപി നേതാവും കേന്ദ്രമന്ത്രിയുമായിരുന്ന ഗോപിനാഥ് മുണ്ടെയെ കൊലപ്പെടുത്തുകയായിരുന്നെന്നും ഷുജ വെളിപ്പെടുത്തുന്നു. മഹാരാഷ്ട്രയില്‍ നിന്നുള്ള മുതിര്‍ന്ന ബിജെപി നേതാവായ ഗോപിനാഥ് മുണ്ടെ ബിജെപി അധികാരത്തിലെത്തിയതിന് തൊട്ടുപിന്നാലെ 2014 ജൂണില്‍ വാഹനാപകടത്തില്‍ മരണപ്പെടുകയായിരുന്നു. ഇത് അട്ടിമറി വെളിപ്പെടാതിരിക്കാന്‍ വേണ്ടിയായിരുന്നുവെന്നും ഹാക്കര്‍ പറയുന്നു.
ലണ്ടനിലെ ഇന്ത്യന്‍ ജേര്‍ണലിസ്റ്റ് അസോസിയേഷന്റെ ഓഫീസില്‍ വെച്ചാണ് ഷുജ ഇവിഎം ഹാക്കിങ്ങിനെ കുറിച്ച് വിശദീകരിക്കുന്നത്. കോണ്‍ഗ്രസ് നേതാവ് കപില്‍ സിബലും അസോസിയേഷന്റെ ഓഫീസില്‍ ഉണ്ട്. ലോക്സഭ തെരഞ്ഞെടുപ്പിന് മുന്‍പ് ഇങ്ങനെയൊരു വെളിപ്പെടുത്തല്‍ വരുന്നത് ഇന്ത്യന്‍ രാഷ്ട്രീയത്തില്‍ ആഘാതങ്ങള്‍ സൃഷ്ടിക്കുമെന്നാണ് കരുതപ്പെടുന്നത്. പ്രതിപക്ഷം പാര്‍ലമെന്റില്‍ ഇവിഎം യന്ത്രങ്ങളില്‍ കൃത്രിമം നടന്നിട്ടുണ്ടെന്നും ആരോപിച്ച് അക്കാര്യത്തില്‍ പരിശോധന നടത്താന്‍ കമ്മിറ്റിയെ രൂപീകരിച്ച ശേഷം വരുന്ന വെളിപ്പെടുത്തല്‍ കൂടിയാണിത്.
Discussion about this post