ന്യൂഡല്‍ഹി; മയക്കുമരുന്ന് കലര്‍ത്തിയ ജ്യൂസ് നല്‍കി സുഹുത്തുക്കള്‍ ചേര്‍ന്ന് യുവതിയെ ബലാത്സംഗം ചെയ്തു. ബലപ്രയോഗത്തിലൂടെ 24കാരിയായ യുവതിയാണ് കാറില്‍ വച്ച് കൂട്ടബലാത്സംഗത്തിന് ഇരയായത്. സംഭവത്തില്‍ യുവതി പോലീസില്‍ പരാതി നല്‍കി. ഡല്‍ഹിയിലെ ഷഹ്ദാരയിലെ ക്രോസ് റിവര്‍ മാളിന് സമീപത്തെ കറിനോട് ചേര്‍ന്നിരുന്ന് കരയുന്ന യുവതിയെ കുറിച്ച് വഴിയാത്രക്കാരാനാണ് പോലീസില്‍ അറിയിച്ചത്.
സംഭവത്തില്‍ പോലീസ് യുവതിയുടെ സുഹൃത്തിനെ അറസ്റ്റ് ചെയ്തു. 30 കാരനായ അമിത് ആണ് യുവതിയെ പീഡിപ്പിച്ചത്. ഇയാളുടെ സുഹൃത്തുക്കള്‍ക്ക് ഇതിലുള്ള പങ്ക് പോലീസ് അന്വേഷിച്ച് വരികയാണ്. വീട് വാങ്ങാന്‍ കുറഞ്ഞ പലിശയ്ക്ക് ലോണ്‍ ശരിയാക്കി തരാമെന്ന് പറഞ്ഞാണ് വ്യവസായിയായ അമിത് മറ്റൊരു സഹൃത്തുവഴി യുവതിയെ പരിജയപ്പെടുന്നത്. ഉത്തര്‍പ്രദേശിലെ ബാഘ്പത്ത് സ്വദേശിയാണ് അമിത്.
ക്രോസ് റിവര്‍മാളിന് സമീപം കാണാമെന്ന് ആവശ്യപ്പെട്ട അമിതാണ് യുവതിയെ വിളിച്ച് വരുത്തിയത്. രണ്ട് സുഹൃത്തുക്കളുമായാണ് അമിത് യുവതിയെ കാണാനെത്തിയത്. തുടര്‍ന്ന് മയക്കുമരുന്ന് കലര്‍ത്തിയ ജ്യൂസ് നല്‍കി. അബോധാവസ്ഥയിലായ യുവതിയെ മൂവരും ചേര്‍ന്ന് കൂട്ടബലാത്സംഗം ചെയ്യുകയായിരുന്നുവെന്ന് പോലീസ് പറഞ്ഞു. യുവതിയുടെ പരാതിയില്‍ പോലീസ് അമിതിനെതിരെ കേസെടുത്തു.
Discussion about this post